މިކަމާއި ގުޅިގެން ފުލުހުން ބުނީ، މި މައްސަލަ އާއި ގުޅިގެން ކޯޓު އަމުރެއްގެ ދަށުން އުމުރުން 38 އަހަރުގެ ދިވެހި ފިރިހެނަކު ހައްޔަރު ކޮށްފައި ވާކަމަށެވެ. އަދި އެ މައްސަލަ ފުލުހުން އިތުރަށް ތަހުގީގު ކުރަމުން އަންނަ ކަމަށްވެސް ފުލުހުން ވަނީ ބުނެފައެވެ.
މި މައްސަލަ އާއި ގުޅިގެން "ސީއެންއެމް" އަށް މައުލޫމާތު ދިން ވެލިދޫ މީހަކު ބުނީ، މި މައްސަލަ އެންމެ ފުރަތަމަ ފުލުހަށް ހުށަހެޅީ ހުސްވި މަހުގެ 26 ވަނަ ދުވަހު ކަމަށާއި، އެހެން ނަމަވެސް ފުލުހުން އެފަހަރު އެކަމަށް މާބޮޑު ސަމާލުކަމެއް ނުދޭ ކަމަށެވެ. އަދި ފުލުހުން ރޭ ހައްޔަރު ކޮށްގެން ގެންދިޔައީ، އެ ރަށު މިސްކިތެއްގެ މުދިމު ކަމަށާއި، އޭނާގެ ފަރާތުން ޖިންސީ ގޯނާ ލިބެމުން ދިޔައީ އޭނާގެ 12 އަހަރުގެ ދޮން ދަރިއަށް ކަމަށް ވެސް އެ މީހާ ވަނީ ބުނެފައެވެ.
ފަހަކަށް އައިސް ރާއްޖޭގައި އިތުބާރު ކުރެވޭ މަގާމުތަކުގައި ތިބޭ ފަރާތްތަކުގެ ފުށުން ކުޑަކުދިންނަށް ޖިންސީ ގޯނާ ކުރުމުގެ ގިނަ މައްސަލަތަކެއް ވަނީ ފެންމަތިވެފައެވެ. މިކަމާއި ގުޅިގެން ގިނަ އިދާރާތަކުން ވަނީ ކަންބޮޑުވުން ފާޅުކޮށް އެމައްސަލަތައް ވީއެންމެ އަވަހަށް ބަލާ ފިޔަވަޅު އެޅުމަށް ސަރުކާރުގެ މުވައްސަސާތަކަށް ގޮވާލާފައެވެ.
