ކޮންމެ އަހަރަކު ވެސް ޑަބްލިއުއެޗްއޯ އިން އަންނަނީ ދުންފަތް ކޮންޓްރޯލް ކުރުމަށް މަސައްކަތް ކުރާ އަމިއްލަ ފަރުދުންނާއި ޖަމިއްޔާތަކުގެ އަގުވަޒަންކޮށް ތަފާތު އެކި ދާއިރާތަކުން އެވޯޑުތައް ދެމުންނެވެ.
އެގޮތުން މި އަހަރު ޑަބްލިއުއެޗްއޯގެ ޑިރެކްޓާ ޖެނެރަލްގެ ހާއްސަ އެވޯޑު ލިބިފައިވަނީ ދެ ފަރާތަކަށެވެ. އެއީ ރައީސް މުއިއްޒުގެ އިތުރުން މޮރިޝަސްގެ ހެލްތު މިނިސްޓްރީ އަށެވެ.
ރައީސް ޑރ. މުއިއްޒުގެ ސަރުކާރުން ވަނީ ދުންފަތާ ދެކޮޅަށް ހަރުކަށި ފިޔަވަޅުތަކެއް މިހާތަނަށް އަޅާފަ އެވެ. މީގެ ތެރޭގައި ރާއްޖޭގައި ވޭޕް ބުއިމާއި ވިއްކުން މަނާކުރުމާއި ސިނގިރޭޓްގެ ޑިއުޓީ ބޮޑުކުރުމާއި، 2007 ވަނަ އަހަރުން ފެށިގެން އުފަންވެފައިވާ އަދި އުފަން ވާނެ ކުދިންނަށް ދުންފަތް މަނާކުރުމަށް ވަނީ ނިންމައިފަ އެވެ.
ދުންފަތުގެ ވިޔަފާރި ކުރާ ފަރާތްތަކުން އެ ވިޔަފާރި ހުއްޓާލައި ފައިދާ ހުރި އެހެން މަސައްކަތެއް ކުރުމަށްވެސް ރައީސް އެދިވަޑައިގެންފައިވެ އެވެ.
