މާލޭ ސަލްޓަން ޕާކުގައި މި ޝޯ ފަށާނީ މިއަދު ހަވީރު 15:45 ގައެވެ. ޝޯއަށް ވަނުމަށް ޓިކެޓެއް ނަގާކަށް ނުޖެހޭނެއެވެ.
"ސީއެންއެމް" އާއި ވާހަކަދައްކަަވަމުން އެ ޝޯ އިންތިޒާމްކުރުމުގައި އިސްކޮށް ހަރަކާތްތެރިވާ އަދުހަމް މިއަދު ވިދާޅުވީ، ފަންނުގެ ދަރިންގެ މި ސެޝަނުގައި 45 އަށްވުރެ ގިނަ އާޓިސްޓުން ބައިވެރިވާނެކަމަށެވެ.
އަދުހަމް ބުނީ މިއީ ފަންނުގެދަރިންގެ ސެޝަންތަކުގެ ސިސްސިލާގެ ބައެއް ކަމަށެވެ.
ފަންނުގެދަރިން އިވެންޓެއްގެ ތެރެއިން: ފޮޓޯ ފަންނުގެ ދަރިން
މިއަދު ކުޅޭ ސެޝަނުގައި އައްފާނު، އީސަ ގެ އިތުރުން އަލަށް އަރަމުންއަންނަ މިއުޒިކީ ފަންނާނުންކަމުގައިވާ، އައްކޮ އަދި ޒާޔާ ޕާފޯމް ކުރާނެއެވެ.
ފަންނުގެ ދަރިންގެ ސެޝަންތައް ކޮންމެ މަހަކުވެސް ދެން އޮންނާނެ ކަމަށް އަދުހަމް ވިދާޅުވިއެވެ.
މީގެ އިތުރުން ރޯދަ މަހަށް ވެސް ހާއްސަކޮށް "ފަންނުގެދަރިން" ގެ ފަރާތުން ހަފްތާއަކު އެއްފަހަރު "ރޯދަ ޖޭމް" ސެޝަންތަކެއް ކުރިއަށް ގެންދަން ވަނީ ނިންމާފައެވެ. މި ސެޝަންތައް އޮންނާނީ އޮންލައިންކޮށެވެ.
ފަންނުގެދަރިން އިވެންޓެއްގެ ތެރެއިން: ފޮޓޯ ފަންނުގެދަރިން
ފަންނުގެ ދަރިންގެ ބޭނުމަކީ ފަންނުވެރިން އެއްތަނަކަށް އެއްވެ، އެމީހުންގެ ހުނަރުވެރިކަން ދައްކާލައި، އެކަމުން އިންސްޕަޔާވުން ކަމަށް ވެސް އަދުހަމް ވިދާޅުވިއެވެ.
