ލަންކާގައި އޮތް އިގްތިސާދީ ކާރިސާ އާއި ގުޅިގެން އާއްމުންގެ ރުޅިގަނޑު ފަޅައިގެންގޮސް ވެރިކަމުގައި މިހާރު އޮތް ރާޖަޕަަކްސަ އާއިލާ ވެރިކަމުން ފޭބުމަަށް ދަނީ ގޮވާލަމުންނެވެ.
ހަމަނުޖެހުންތައް ބޮޑުވެ، މިމަހުގެ ފުރަތަމަ ދުވަހު ކުއްލި ނުރައްކަލުގެ ހާލަތުވެސް އެގައުމުގައި އިއުލާންކުރިއެވެ. އެ ހާލަތު މިއަދު އުވާލިކަން ހާމަކޮށް ޗީފް ގަވަމަންޓް ވިޕް އެންޑް ހައިވޭ މިނިސްޓަރު ޖޯންސްޓަން ފެރްނާންޑޯ ވިދާޅުވީ، ގޮޓާބަޔާ ރައީސްކަމަށް އައްޔަން ކޮށްފައިވަނީ 6.9 މިލިއަން މީހުންގެ ވޯޓާއިއެކު ކަމަށާއި، ރައީސް އެއްވެސް ހާލެއްގައި އިސްތިއުފާ ނުދޭނެކަމަށެވެ.
އޭނާ ވަނީ ލަންކާގައި ހިންގަމުންދާ ހަމަނުޖެހުންތަކަކީ އިދިކޮޅު ޖޭވީޕީ ޕާޓީން ހިންގާ ހަމަނުޖެހުންތަކެއްކަމަށް ސިފަކޮށް އެ ޕާޓީގެ “ތަގް ޕޮލިޓިކްސް” އަށް ފުރުސަތު ނުދޭނެ ކަމަށް ވިދާޅުވެފައެވެ.
އަދި ހަމަނުޖެހުންތައް ހުއްޓާލުމަށް އެގައުމުގެ ރައްޔިތުންނަށްވެސް ވަނީ އޭނާ ގޮވާލާފައެވެ.
