ވ.ތިނަދޫ ރައީސް ޝިފާގް ހުސައިން ސީއެންއެމްއަށް ވިދާޅުވީ އޭރުވެސް ތިނަދޫއަށް އެމްބިއުލާންސެއް ނުފޮނުވުމަށް މިރަށުގެ ރައްޔިތުން އެދުނު ކަމަށާއި އެހެންނަމަވެސް އެ އެމްބިއުލާންސް ސަރުކާރުން މިރަށަށް ފޮނުވާފައި ވާކަމަށެވެ.
ތިނަދޫއަކީ އިންޖީނުލީ އުޅަނދު ދުއްވުން މަނާ ކުޑަކުޑަ ރަށެކެވެ. އާބާދީގައި 200އެއްހާ މީހުން ރިކޯޑް ކުރެވިފައިވީ ނަމަވެސް ރަށުގައި ދިރިއުޅެނީ 60 އެއްހާ މީހުންނެވެ. އެހެންކަމުން ކުރިއަށް އޮތްތާނގައިވެސް ތިނަދޫގައި އެމްބިއުލާންސް ބޭނުން ނުކުރާނެ ކަމަށް ކައުންސިލުން ބުނެއެވެ.
ފޮޓޯ: ސީއެންއެމް
އެމްބިއުލާންސް ބޭނުންވާ ރަށްތައް ރާއްޖޭގައި އަދިވެސް މަދެއް ނޫނެވެ. ދާދިފަހުންވެސް ގދ.ފިޔޯރީގައި ރަށު ޕިކަޕްގައި ބަލިމީހަކު އުފުލާ މަންޒަރު އެފްބީ ގައި އެރަށު ކައުންސިލް ރައީސް ވަނީ ހިއްސާ ކޮށްފައެވެ. މިސަރުކާރުންވެސް ދަނީ ރަށްރަށަށް އެމްބިއުލާންސް ހަމަކުރުމުގެ މަސައްކަތް ކުރަމުންނެވެ.
