މެމްބަރު ރާޝިދު މަޖިލީހަށް ހޮވުމަށްފަހު ފުރަތަމަ ފަހަރަށް މިއަދު ހުށަހެޅުއްވި، ކުނި މެނޭޖް ކުރުމުގެ ބިލުގެ 33 ވަނަ ބާބުގައި ވަނީ "ޕްލާސްޓިކް ކޮތަޅުން ލެވީ ނެގުން" މި މާއްދާ ހިމާނާފަ އެވެ.
މި މާއްދާގައި ބުނަނީ ވިޔަފާރި ހަރަކާތަކުން ޕޮއިންޓް އޮފް ސޭލްގައި ކަސްޓަމަރަށް ވިއްކާ ނުވަތަ ފޯރުކޮށްދޭ ކޮންމެ ޕްލާސްޓިކް ކޮތަޅަކަށް އެ ކަސްޓަމަރެއްގެ އަތުން ލެވީގެ ގޮތުގައި ދެ ރުފިޔާ ނަގަންވާނެ ކަމަށެވެ. އަދި ކަސްޓަމަރުންނަަށް ފިހާރަތަކުން ދޭ ރަސީދުގައި ކަސްޓަމަރުން އަތުން ކޮތަޅަށް ނެގި މިންވަރު އެގޭނެހެން ވަކިން ބަޔާންކޮށްފައި އޮންނަން ވާނެ ކަަމަށެވެ.
މީގެ އިތުރުން މީރާގައި ޖީއެސްޓީއަށް ރަޖިސްޓްރީ ކޮށްފައިވާ ވިޔަފަރާތިތަކުން އާއްމުންގެ އަތުން ކޮތަޅަށް ނަގާ ފީ މީރާއަށް ދެއްކުން މިގާނޫނޫން ލާޒިމުކުރެއެވެ.
މި ބިލުގައި ވާގޮތުން އެ ގާނޫނަށް އަމަލު ކުރަން ފަށާތާ 30 ދުވަހުގެ ތެރޭގައި ފިހާރަތަކާއި ވިޔަފާރިތަކުގައި ކޮތަޅުން ފީ ނަގަން ފަށަން ވާނެއެވެ. އަދި ގާނޫނަކަށް ވުމަށްފަހު، ފިހާރަތަކުންނާއި ވިޔަފާރިތަކުން ކަސްޓަމަރުންނަށް ޕްލާސްޓިކް ކޮތަޅު ހިލޭ ދޭނަމަ އެފަރާތެއް ނުވަތަ އެ ވިޔަފާރިއެއް 5،000 ރުފިޔާ އާއި 50،000 ރުފިޔާ އާއި ދެމެދުގެ އަދަދަކުން ޖޫރިމަނާ ކުރާނެ ކަމަށް ބިލުގައި ވެއެވެ.
ގާނޫނުގައި ފީ ނުނެގޭނެ، ނުވަތަ އެ ފީ އިން އިސްތިސްނާވާނެ ހާލަތްތަކެއް ބަޔާންކޮށްފައިވެއެވެ. އެއީ:
