ރައީސް މިގޮތަށް ނިންމެވީ އއ. އުކުޅަހުގައި މިހާރު ކުރިއަށްދާ ވިޔަވަތި ކޮންފަރެންސްގައި ކައުންސިލްތަކުން ކަންބޮޑުވުން ފާޅުކުރުމުންނެވެ.
ކުރިން އޮންނަނީ އަތޮޅު ފިހާރަތަކުގެ ކުލީގެ 50 ޕަސަންޓު ކައުންސިލްތަކަށް ޖަމާކުރާ ގޮތަށެވެ.
އެންމެ ފަހުން އަތޮޅު ފިހާރަތަކުގެ ކުލި ކައުންސިލްތަކަށް ޖަމާކޮށްދިނީ 2017 ވަނަ އަހަރުއެވެ. އެ އަހަރު 20.5 މިލިއަން ރުފިޔާ ޖަމާކޮށްދިނެވެ. 2018 ވަނަ އަހަރަށް ވާ ފައިސާގެ 34 މިލިއަން ރުފިޔާ އަދިވެސް ދޫނުކުރެއެވެ.
އަތޮޅު ފިހާރަތަކުގެ ކުލި ކައުންސިލްތަކަށް ދޫކުރުން މަޑުޖައްސާލާފައި އޮތީ ކޮވިޑް 19 ގެ ބަލިމުގެ ސަބަބުންކަމަށް ސަރުކާރުން ބުނެއެވެ. ނަމަވެސް ރައީސްގެ މި ނިންމެވުމާއެކު 2018 ވަނަ އަހަރު ކުލީގެ ގޮތުގައި ލިބުނު 34 މިލިއަން ރުފިޔަ އެއްކޮށް ޖަމާކޮށްދިނުމަށް ނިންމާފައިވާކަން ފިނެންސް މިނިސްޓަރު އަމީރު ވަނީ ހާމަކުރައްވާފައެވެ.
ވިޔަވަތި ކޮންފަރެންސްގައި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާއި ކެބިނެޓު މިނިސްޓަރުން އޮޅުން ފިލުއްވައި އެ މައްސަލަތައް ހައްލުކުރައްވާނެކަމަށް ރައީސް އޮފީހުން ވަނީ ކޮންފަރެންސް ފެށުމުގެ ކުރިންވެސް ބުނެފައެވެ.
ރާއްޖޭގެ ލާމަރުކަރީ ނިޒމުގެ ކައުންސިލްތަކާއި އެސިޓީއެއް، އަދި އަތޮޅެއް ނުވަތަ ރަށެއްގެ ރައްޔތުންނަށްދޭގޮތަށް އެ ނިޒާމު ބަދަލުކުރެއްވުމަށް އިދާރީ ދާއިރާތައް ލާމަރުކަރީ އުސޫލުން ހިންގުމުގެސަރުކރުން ގެނައި ތަކާއެކު އިދާރީ ގޮތުންނާއި މާލި ގޮތުން ކައުންސިތަކަށް ލިބިފައިވާ ބާރުތައް، ތަންފީޒުކުރުމުގެ ކަންކަން ކުރިޔށްދާގޮތް ބެއްލެވުމާއި އެކަމުގައި ކުރިމަތިވާ ގޮންޖެހުންތައް ހައްލުކޮށްދިނުމުގެ ގޮތުން ރައީސުލްޖުމްހޫރިއްޔާ އާއި އަދި ކަމާބެހޭ ވަޒީރުންނާއި މަޝްވަރާކޮށް ގޮތްތަކެއް ހޯދުމަށް މަގުފަހި ކޮއްދިނުމަކީ ވެސް ކޮންފަރެންގެ ބޭނުމެކެވެ.
ވިޔަވަތި ކޮންފަރެންސް ކުރިޔށްގެންދިއުމަށް ހަމަޖހިފައި ވަނީ 3 ސަރަޙައްދަށް ބަހާލައިގެން ކޮންމެ އަތޮޅު ކައުންސިލަކާއި ރަށު ކައުންސިލަކާއި ރަށްކުރިއަރުވާ ކޮޓީއެއް ބައިވެރިވާ ގޮތަކަށެވެ.
