ހައްޖަށް ދާން ބޭނުންވެގެން ހައްޖު ކޯޕަރޭޝަނަށް ހުށަހަޅާ ފޯމުތައް އަދަލާތު ޕާޓީއަށް ވައްދަމުން އަންނަ ކަމަށް ވެލިދޫ ދާއިރާގެ މެންބަރު މުޙައްމަދު ޝަފީޤު ޢަބްދުﷲ ތުހުމަތު ކުރައްވާފަ އެވެ.
ޝަފީގު ވިދާޅުވެފައިވަނީ ހައްޖަށް ދިއުމަށް ހައްޖު ކޯޕަރޭޝަނަށް ހުށަހަޅުމުން ގެންދާ ފޯމުތަކުގެ އައިޑީ ކާރޑް ކޮޕީ ބޭނުންކުރައްވައިގެން އަދާލަތު ޕާޓީއަށް މީޙުން ވެއްދުމަށް ހައްޖު ކޯޕަރޭޝަނުން މަސައްކަތްކުރަމުންދާ ކަމަަށެވެ.
ޝަފީގުގެ ވާހަކަތަކާ ގުޅިގެން ސުވާލު ކުރުމުން ހައްޖު ކޯޕަރޭޝަންގެ މެނޭޖިން ޑިރެކްޓަރު އިސްމާއީލް ހަމީދު "ސީއެންއެމް" އަށް ވިދާޅުވީ ހައްޖުގެ މަތިވެރި އަޅުކަން އަދާކުރުމަށް އެ ކޯޕަރޭޝަނަށް ހުށަހެޅޭ އެއްވެސް ފޯމެއް އެއްވެސް ފަރާތަކާއި ހިއްސާ ކޮށްފައި ނުވާނެ ކަމަށެވެ. އަދި ވިދާޅުވީ މި ފޯމުތަކުގެ މައްސަލަ އާއި ގުޅިގެން ސިޔާސީ ޕޓީތަކަށް މީހުން ވައްދަމުންދާ ކަމުގެ ވާހަކައަކީ ކަންބޮޑުވާންޖެހޭ ކަމެއް ކަމަށެވެ.
ހައްޖު ކޯޕަރޭޝަނަށް ހުށަހެޅޭ ފޯމުތަކުއް އަދާލަތު ޕާޓީއަށް ވައްދާ މައްސަލަ އެޕާޓީންވެސް ވަނީ ކުއްވެރިކޮށްފަ އެވެ. އަދާލަތު ޕާޓީގެ އިސް ބޭފުޅަކު "ސީއެންއެމް" އަށް މިއަދު ވިދާޅުވީ އެޕާޓީގެ ކުރިއެރުމަށް ކުރެވޭ އެއްވެސް މަސައްކަތެއްގައި އެހެން އިދާރާތަކަށް ފޯމެއް އެ ޕާޓީން ބޭނުން ނުކުރާ ކަމަށެވެ.
އަދާލަތު ޕާޓީގައި 15 ފެބުރުވަރީ 2022ގެ ނިޔަލަށް ޕާޓީގައި މެންބަރުން ތިބި އަދަދު ވަނީ 10589 ގަ އެވެ.
