އެމްއެންޑީއެފް އިން އެމްޓީސީސީއާއި ހަވާލުކޮށްގެން ކުރިއަށް ގެންދިޔަ މި މަޝްރޫއުއަކީ 18.3 މިލިއަން ރުފިޔާގެ މަޝްރޫއުއެކެވެ.
ގިރިފުށި ބަނދަރު ތަރައްގީ ކުރުމުގެ މަޝްރޫއުގެ ދަށުން އެންވަޔަރަމެންޓަލް އިމްޕެކްޓް އެސެސްމަންޓު ހެދުމާއި، 268 މީޓަރު ސަރަހައްދެއްގައި ބޭރު ތޮށި ލުމާއި، 46 މީޓަރުގެ ސަރަހައްދެއްގައި ނެރު ބޭރު ތޮށިލުމުގެ މަސައްކަތް އެމްޓީސީސީއިން ވަނީ ކޮށްފަ އެވެ.
ފާއިތުވި ތިން އަހަރު ތެރޭ އެމްޓީސީސީން ވަނީ ރާއްޖޭގެ ބަނދަރު ހެދުމާއި ބިން ހިއްކުމުގެ އިތުރުން ގޮނޑުދޮށް ހިމާޔަތް ކުރުމުގެ ގިނަ މަޝްރޫއުތަކެއް ފުރިހަމައަށް ނިންމާފަ އެވެ.
ނަވާރަސަތޭކަ އައްޑިހަ ވަނަ އަހަރު އެމްޓީސީސީ އުފެދުނީ، ރާއްޖޭގެ ތަރައްގީގެ މުހިއްމު މަރުހަލާއެއްގަ އެވެ. އެ ކުންފުނި އުފެދުނިއްސުރެ ރާއްޖޭގެ އުމްރާނީ އަދި އިޖްތިމާއީ ވަސީލައްތައް ބިނާކުރުމުގައި އެކުންފުނިން އަންނަނީ މުހިއްމު ދައުރެއް އަދާކުރަމުންނެވެ.
