ޗިކަން ވްރެޕް ތައްޔާރުކުރަން ބޭނުންވާނެ ތަކެތި:
- ބޯންލެސް ޗިކަން
- ލޮނުމެދު
- ރެޑް ޗިލީ ޕައުޑަ
- ހިކި ކޮރިއެންޑަ ޕައުޑަ
- ރީނދޫ
- ތަންދޫރީ މަސާލާ
- ލުނބޯ ހުތް
- މަޔޮނައިސް
- ޕްލޭން ޔޯގަޓް
- ކޮރިއަންޑާ ފަތް
- ރަތް ކެބެޖް
- ރޮށި
- ކިއުމިން ޕައުޑަ
- ތެޔޮ
ތައްޔާރު ކުރާނެ ގޮތް:
އެންމެ ފުރަތަމަ ތަވަޔަށް ތެޔޮ އެޅުމަށް ފަހު ލޮނު މެދު ކޮޅު އަޅާ ތިން މިނިޓް ވަންދެން ހަނާ ކުރާށެވެ. ލޮނުމެދު ކޮޅު ހަނާވުމުން އޭގެ ތެރެއަށް ކުދިކޮށް ކޮށާފައި ހުރި ކުކުޅު ކޮޅު އަޅާ ރީތިކޮށް ރޯ ފިލުވާލާށެވެ. ކުކުޅު ކޮޅު ރޯފިލުމުން އޭގެ ތެރެއަށް ލޮނު، ރެޑް ޗިލީ ޕައުޑާ، ރީނދޫ، ތަންދޫރީ މަސާލާ، ޑްރައި ކޮރިއަންޑާ ޕައުޑާ، ލުނބޯ ހުތް އެޅުމަށް ފަހު ރީތި ކޮށް މިކްސް ކޮއްލާށެވެ.
ތިން މިނެޓް ވަންދެން މަޑު ގިނީގައި ހަނާ ކޮށްލުމުން ކުކުޅު ކޮޅު އެހުރީ ތައްތާރު ވެފަ އެވެ. ދެން އޮތީ ސޯސްގަނޑު ތައްތާރު ކުރާނެ ގޮތެވެ. އެންމެ ފުރަތަމަ މަޔޮނައިސް ތައްޓަކަށް އެޅުމަށް ފަހު އޭގެ ތެރެއައް ޕްލޭން ޔޯގަޓް، ލޮނު، ރެޑް ޗިލީ ޕައުޑާ، ކިއުމިން ޕައުޑާ، ފްރެސް ކޮރިއަންޑާ ފަތް ކުދިކޮން ކޮށާފައި އަޅާ ރީތިކޮށް އެއްކޮއްލާ ށެވެ. އޭރުން އެހުރީ ސޯސް ތައްޔާރު ވެފައެވެ.
ދެން އެޔައްފަހު ރޮށި ބޯކޮށް ފިހުމަށް ފަހު އޭގެ މައްޗަށް ފަހަރަކު ލޭޔާ އެއްހެން އަޅަމުން ދާށެވެ. ކުކުޅު އަދި ސޯސް އަޅާ ނިމުމުން އެންމެ މައްޗަށް ރޯ ޓޮމާޓޯ، ރަތް ކެބެޖް އަޅާ ރީތިކޮށް އޮޅާލާށެވެ. އެއަށްފަހު ތަވާގައި ބަޓަރު ހޭކުމަށް ފަހު ތިނެއް ނުވަތަ ހަތަރު މިނިޓު ވަންދެން މަޑު ގިނީގައި ފްރައި ކޮއްލާށެވެ. ފްރައި ވުމުން ޗިކަން ވްރެޕް އެހުރީ ތައްޔާރުވެފަ އެވެ.
