"ސީއެންއެމް" އަށް މައުލޫމާތު ދެއްވަމުން އެސްއޯއީ ކޮމިޓީގެ މުގައްރިރު އިލިޔާސް ލަބީބް މިއަދު ވިދާޅުވީ އެ މައްސަލައިގެ ކޮމެޓީގެ ރެކޮމެންޑޭޝަން ތައް ހިމެނުމަށްފަހު ރިޕޯޓު މިއަދު ފާސްކޮށްފައިވާ ކަމަށެވެ.
އިލިޔާސް ވިދާޅުވީ ކޮމެޓީގެ ރިޕޯޓުގައި މިހާރުގެ ފުލެޓުތަކުގެ އަގު ބަލައި އެ އަގުތަކަށް ފެތޭނެ ފަދަ ގޮތަކަށް އަގު ކުޑަކުރުމަށް ރިކޮމެންޑް ކުރުމާއި، މި ޓަވަރުތަކުގައި ހަދާފައިވާ ވިޔަފާރިއަށް ހާއްސަ ތަންތަން ކުއްޔަންދީގެން ލިބޭ އާންމުދަނީއިން ތަނުގެ ކުލި ދެއްކުމަށް ހެދިދާނެ ގޮތްތަކާއިބެހޭގޮތުން ކޮމެޓީގައި މަޝްވަރާކުރި ކަމަށެވެ.
އިލިޔާސް ވިދާޅުވީ މި ދެ މުއައްސަސާގެ ފުލެޓުތަކުގެ މަސައްކަތްވެސް ނުނިމި އެތައް ދުވަހެއް ވަންދެން އޮތުމުން އެ ފުލެޓުތަކަށް އަންދާޒާކުރާ ވަރަށްވުރެ ހަރަދު ބޮޑުވެ މަސައްކަތް ނުނިމި ލަސްވާ ކަމަށެވެ.
ހުޅުމާލޭގައި ފުލުހުންނާއި ސިފައިންނަށް ހާއްސަކޮށްގެން އަޅަން ފެށި ފްލެޓުތަކުގެ މަސައްކަތް ލަސްވާތީ ޕޮލިސް ކޯޕަރޭޓިވް ސޮސައިޓީ (ޕޮލްކޯ) އާއި ސިފައިންގެ ކޯޕަރޭޓިވް ސޮސައިޓީ (ސިފްކޯ)އާއި އެކަމާ ގުޅޭ ގޮތުން ސުވާލުކުރުމަށް އެސްއޯއީ ކޮމެޓީއަށް ވަނީ އެ ދެކުންފުނީގެ ވެރިން ހާޒިރުކޮށް މިދިޔަ ފެބުރުއަރީ މަހުގެ ތެރޭގައި ސުވާލުކޮށްފަ އެވެ.
ފުލުހުންނަށް ހާސަކޮށްގެން އިމާރާތްކުރާ ފްލެޓުތައް އިމާރާތްކުރުމަށް ޕްލޮކޯ ކުންފުންޏާ ހަވާލުކުރީ 2012 ވަނަ އަހަރުގައެވެ. އަދި ސިފްކޯއިން ސިފައިންގެ ފްލެޓުތައް އެޅަން ފެށީ 2013 ވަނަ އަހަރުގައެވެ.
