ދާންދޫ ކައުންސިލުގެ ރައީސް މުހައްމަދު އާސިފް “ސީއެންއެމް”އަށް ވިދާޅުވީ، އީދު މަޅި ޖެހުމުގެ ހަރަކާތް ކުރިއަށްދިޔަ ވަގުތު ފިހިފަވަނީ، އެ ރޯކުރަން އުޅުނު ކުދިންގެ ތެރެއިން ދެ ޒުވާނެއް ކަމަށެވެ.
ފިހުނީ، ޕެޓުރޯލު އެޅުމަށް އެތެރޭގަ ހުއްޓާ ނޭނގިގެން އެހެން ކުއްޖަކަށް މަޅީގަ ރޯކޮށްލެވުމުން ކަމަށެވެ.
ނަމަވެސް ދެމީހުންނަށްވެސް ސީރިއަސް ޒަހަމުތަކެއް ނުލިބޭ ކަމަށް އާސިފް ވިދާޅުވިއެވެ.
އެކަކުގެ އަތުގެ ދެތިން ތަނެއް ފިހިފަވާއިރު، ދެން ހުރި މީހާގެ އަލިފާނުގެ އަސަރުކޮށްފަވަނީ ފަޔަށެވެ.
ފިިހިފަވަނީ ދެ ޒުވާނެއް——ފޮޓޯ: ސީއެންއެމް/މުހައްމަދު އާސިފް/ދާންދޫ
“ފައިގެ އިސްތަށިތަކަށް އަލިފާނުގެ އަސަރުކޮށްފަވަނީ . އަނެއްހެން މާބޮޑު ކަމެއް އޭނާއަށް ނުވެ. ދެން ހުރި ކުއްޖާގެ އަތުގެ ދެތިން ތަނެއް ފިހުނު. ދެމީހުންގެ ހާލުވެސް މިހާރު ރަނގަޅު”އާސިފް ވިދާޅުވި އެވެ.
އީދު މަޅި ޖެހުމަކީ އީދު އަންނަކަން އިއުލާންކުރުމަށް ވަރަށް ކުރީ ޒަމާނުންސުރެ އެރަށުގައި ކޮށްއުޅޭ ކަމެކެވެ.
އީދު މަޅި ހަރަކާތް ބެލުމަށް ދާންދޫ ރައްޔިތުން އެއްވެފަ——ފޮޓޯ: ސީއެންއެމް/މުހައްމަދު އާސިފް/ދާންދޫ
ފަންތަކެއް ބޭނުންކޮށްގެން މައްޗަށް ހުންނަ ގޮތަށް އީދު މަޅި ހެދުމަށްފަހު އޭގަ ރޯކޮށްލަނީ ޕެޓްރޯލް އަޅާފަ އެވެ.
އެރަށުގައި އެ ހަރަކާތް ކުރިއަށް ގެންގޮސްފަވަނީ މިއަދު އިރުއޮއްސި 07:00 ހާއިރު އެވެ.
