އެ ރަށު ކައުންސިލުން "ސީއެންއެމް" އަށް މައުލޫމާތު ދިން ގޮތުގައި އިއްޔެގައިވެސް އެރަށަށް އުދަ އެރި އެވެ. ނަމަވެސް މިއަދު އަރަމުންދަނީ ވަރަށް ގަދަ އަށެވެ. މިއަދު އުދައަރަމުންދަނީ ތިނަދޫ އުތުރުފަރާތަށެވެ.
ތިނަދޫ އަށް އުދައަރަނީ——ފޮޓޯ:ތިނަދޫ/ސީއެންއެމް
އޮޑިދޯނި ފަހަރަށް ދަނީ ގެއްލުން ލިބެމުން
ތިނަދޫއަށް މިއަދު އުދައަރަން ފަށާފަވަނީ ހެނދުނުން ފެށިގެން ނެވެ. މިވަގުތުވެސް އުދައަރަމުންދާއިރު "ސީއެންއެމް" އަށް ލިބިފައިވާ ފޮޓޯތަކާއި ވީޑިއޯތަކުން ފެންނަ ގޮތުގައި އުދައިގެ ސަބަބުން ބައެެއް ސަަރަހައްދުތަކުގައި ފެންގަނޑު ވަރަށް ބޮޑަށް އުފެދިފަ އެވެ.
ތިނަދޫ އަށް އުދައަރަނީ——ފޮޓޯ:ތިނަދޫ/ސީއެންއެމް
އަދި އެ ސަރަހައްދުގައި އަޅާފައިވާ އޮޑިދޯނި ފަހަރުތަކަށްވެސް ދަނީ ގެއްލުން ވަމުންނެވެ. އެހެންކަމުން ކައުންސިލުން ވަނީ އެކަމަށް ސަމާލުވާންވެސް އަންގާފަ އެވެ.
ތިނަދޫއަށް އުދައަރަމުންދާއިރު، އުދަ އަރާނެ ކަމަށް ލަފާކޮށް މިއަދު މޫސުމާއި ބެހޭ ގައުމީ އިދާރާ މެޓުން ވަނީ ތ. އަތޮޅުން ފެށިގެން އައްޑޫ ސިޓީއަށް ވައިޓް އެލާޓުވެސް ނެރެފަ އެވެ.
