މިއީ ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރުގެ މަސްލަހަތު އޮންނަ ޔޮޓް ޓުއާޒް އިން ކުރިން ހިންގި ހއ. އަލިދޫ ރިސޯޓަށް 2014 ވަނަ އަހަރު މޫސުން ގޯސްވެ ލިބުނު ގެއްލުންތަކާ ގުޅިގެން އިންޝުއަރެންސުން ބާވީސް މިލިއަން ޑޮލަރު ހޯދުމަށް ޔޮޓް ޓުއަރސްއިން ހުށަހެޅި މައްސަލައެކެވެ.
މި މައްސަލައިގައި ޔޮޓް ޓުއަރސްއަށް ބާވީސް މިލިއަން ޑޮލަރު ދޭން ސިވިލް ކޯޓުން ހުކުމް ކުރިނަމަވެސް ހައިކޯޓުން ފަހުންވަނީ އެ ހުކުމް ބާތިލުކޮށްފައެވެ. ސުޕްރީމް ކޯޓަށް ޔޮޓް ޓުއަރސްއިން ހުށަހެޅި ހައިކޯޓުގެ ހުކުމާ މެދު ހިތްހަމަ ނުޖެހިގެންނެވެ.
މި މައްސަލަ ސުޕްރީމް ކޯޓަށް ބަލައި ނުގަންނަން ނިންމާފައިވާކަން ސުޕްރީމް ކޯޓުގެ ވެބްސައިޓުން އެނގެން އޮތް ނަމަވެސް އެކަމުގެ ތަފްސީލެއް ނޭނގެއެވެ. އަދި މައްސަލަ ބަލައި ނުގަންނަން ނިންމި ތާރީޚެއްވެސް އަދި ސާފެއް ނުވެއެވެ. މި މައްސަލަ ސުޕްރީމް ކޯޓަށް ހުށަހެޅީ ޖޫން ތިރީހުގައި ކަމަށް މައުލޫމާތު ލިބިފައިވެއެވެ.
