ތިލަމާލެ ބްރިޖު މަސައްކަތައް ވިލިމާލެ އިރުމަތީފަރާތު ފަރާއި ދިމާލުގައި ގާއިމުކޮށްފައިވާ އެ ބްރިޖު ޕްލެޓުފޯމް ހައްޔަރުން ނެއްޓި ވިލިމާލެ އިރުމަތީ ފަރަށް އުރިފައިވަނީ މިދިޔަ އަންގާރަ ދުވަހު އެވެ.
ނަމަވެސް އެ ޕްލެޓުފޯމު އަދިވެސް އެތަނުން ނުނަގާ އޮންނަ މައްސަލާގައި ކަންބޮޑުވުން ފާޅުކޮށް އެ ކައުންސިލުން ނެރުނު ބަޔާނެއްގައި ބުނެފައިވަނީ، ވިލިމާލެ ފަރަކީ މާލޭ ސަރަހަައްދުގައި ހަލާކުނުވެ އޮތް ހަމައެކަނި ފަރު ކަމަށެވެ. ބްރިޖު މަޝްރޫއުގެ ސަބަބުން އެ ފަރަށް މިހާރުވެސް ނޭދެވޭ އަސަރު ފޯރަމުންދާ ކަމަށެވެ.
އެބަޔާނުގައި ވަނީ، އެ މަޝްރޫއު ހިންގުމަށް ހަވާލުވެފައިވާ ކުންފުންޏާއި ވުޒާރާތަކުން، މަޝްރޫއު ހިންގުމުގައި ބަލަންޖެހޭ ފަންނީ އަދި ސަލާމަތީ މިންގަނޑުތަކަށް ސަމާލުކަން ދިނުމަށްވެސް އިލްތިމާސްކޮށްފަ އެވެ.
ތިލަމާލެ ބްރިޖް އެޅުމަށް ބޭނުންކުރާ ޕްލެޓްޕޯމު ފަރަށް އަރާ އެ ޕްލެޓްފޯމުގައި ތިބި ތިން މީހަކަށް ވަނީ އެކިވަރުގެ އަނިޔާތައް ވެގެން ފަރުވާވެސް ދީފަ އެވެ.
އެ ޕްލެޓްފޯމް ފަރަށް އެރުމާއި ގުޅިގެން އީޕީއޭގެ ޑިރެކްޓަރު ޖެނަރަލް އިބްރާހިމް ނައީމް ވިދާޅުވީ، އެ ޕްލެޓްފޯމް ފަރަށް އެރުމުން އެއްވެސް ގެއްލުމެއް ފަރަށް ލިބިފައި ވޭތޯ ބަލަމުން އަންނަ ކަމަށާއި، އަދި މިހާތަނަށް ފަރަށް ލިބިފައިވަނީ ކިހާވަރެއްގެ ގެއްލުމެއްކަން ދެނެގަނެވިފައި ނުވާ ކަމަށެވެ. މީގެ އިތުރުން ނައީމް ވިދާޅުވީ، ފަރަށް ލިބުނު ގެއްލުންތަކާއި ގެއްލުމެއް ލިބިފައިވާނަމަ ޖޫރިމަނާ ކުރަންޖެހޭވަރު އިނގޭނީވެސް ފަރަށް ލިބުނު ގެއްލުންތަށް ދެނެގަނެ ނިމުމުން ކަމަށެވެ.
