އަންނަ ރިޔާސީ އިންތިހާބުގައި ޕީޕީއެމްގެ ރިޔާސީ ޓިކެޓާ އެކު ކުރިމަތިލައްވަން ކެމްޕެއިން ކުރައްވަމުން ގެންދަވާ ރައީސް ޔާމީން، ސަންގު ޓީވީއަށް މިރޭ ދެއްވި އިންޓަވިޔުއެއްގައި ވިދާޅުވީ ޕީޕީއެމްގެ ތެރެއިން ރަނިން މޭޓެއްގެ ޗޮއިސް ވަރަށް ތަނަވަސްކަމަށެވެ.

ޕީޕީއެމްގެ އަސާސީ ގަވައިދު ބުނާ ގޮތުން ރިޔާސީ ކެންޑީޑޭޓުގެ ރަނިން މޭޓު ކަނޑައެޅުމަކީ ޕާޓީގެ ރިޔާސީ ކެންޑިޑޭޓަށް ދޫކޮށްލާފައިވާ ކަމެކެވެ. އެހެންނަމަވެސް ރަނިން މޭޓުގެ ކިބައިގައި ހުންނަން ޖެހޭ ޝަރުތުތަކެއް ކަނޑައަޅާފައިވެއެވެ. އެއީ ޕާޓީގެ މެންބަރެއްގެ ގޮތުގައި މަދުވެގެން އަހަރެއްވުމާއި، ގާނޫނު އަސާސީގައި ބުނާ ރައީސެއްގެ ޝަރުތު ހަމަވުމެވެ.