ސީޕީ ހަމީދު——ފޮޓޯ: ސީއެންއެމް
ހަމަލާދިނީ ދަންނަ ގޭންގަކުން، އެންމެން ހައްޔަރު ކުރާނަން: ސީޕީ
އަހުމަދު ހަސަން
09 ސެޕްޓެމްބަރ 2022 - 16:24:52
ތިން ފުލުހަކަށް ހަމަލާ ދިނީ ހެންވޭރުގެ ދަންނަ ގްރޫޕަކުން ކަމަށާއި އެކަމުގައި ހިމެނޭ އެންމެން ހައްޔަރު ކުރާނެ ކަމުގެ އިންޒާރު ޕޮލިސް ކޮމިޝަނަރު މުހައްމަދު ހަމީދު ދެއްވައިފިއެވެ.
ސީޕީ ހަމީދު މިހެން ވިދާޅުވީ މިއަދު މާލޭގައި، މަޖީދީމަގުގައި ގްރޫޕަކުން ތިން ފުލުހުންނަށް ހަމަލާދީ ޒަހަމްކޮށްލިކަންތަކާ ގުޅޭ ގޮތުން ކުރެއްވި ޓްވީޓުތަކެއްގައެވެ.
މި ހާދިސާގައި ތިން ފުލުހުންނަށްވެސް އެކިވަރުގެ އަނިޔާވެފައިވެއެވެ. ސީޕީ ހަމީދުވަނީ އަނިޔާވެފައިވާ ފުލުހުންގެ ހާލު ބައްލަވާލެއްވުމަށް ހޮސްޕިޓަލަށް ވަޑައިގެންފައެވެ.
އެ މައްސަލައިގައި 2 މީހަކު މިހާރު ހައްޔަރުކޮށްފައިވާއިރު ސީޕީ ވިދާޅުވީ އެކަމުގައި ހިމެނޭ އެންމެން ހައްޔަރު ކުރާނެ ކަމަށެވެ. ސީޕީ ވިދާޅުވީ ހަމަލާދީފައިވަޏީ ހެންވޭރުގައި އޮންނަ ކުށްކުރާ ގުރޫޕަކުން ކަމަށެވެ. އެހެންނަމަވެސް ވަކި ގްރޫޕެއްގެ ނަން ސީޕީ ވިދާޅެއް ނުވެއެވެ.
14%
ކަމުގޮސްފި
24%
އަޑުއެހިތާ މިހުރީ
57%
ސަތޭކައަކުން ސުމެއް
5%
ވަރަށް ސަލާމް
ކޮމެންޓްސް
