ޑރ. ޝަހީމްގެ ޓްވީޓް ޑިލީޓްކޮށްލެއްވީ ކީއްވެގެންކަން ސާފު ނުވިޔަސް ބައެއް މީހުންގެ މެދުގައި ސޯޝަލް މީޑިއާގައި އެ ޓްވީޓާ މެދު ނުރުހުންފާޅުކޮށްފައިވެއެވެ. 

ޑރ. ޝަހީމްގެ ޓްވީޓް

ރޭ ޑރ. ޝަހީމް ކުރެއްވި ޓްވީޓް ޑިލީޓްކޮށްލައްވާފައިވަނީ މިއަދުއެވެ. އެ ޓްވީޓުގައި ޑރ. ޝަހީމް ވިދާޅުވެފައި އޮތީ ކުއީން އެލިޒަބަތަކީ، އެކަމަނާގެ ދައުލަތުގެ ހިޔަލުން މުސްލިމުންނަށް ފުރުސަތު ދެއްވައި އިސްލާމީ އުއްމަތާއެކު ސުލްހަވެރިގުޅުމެއް ބޭއްވުމަށް ބާރު އެޅުއްވި ޝަހުސިއްޔަތެއް ކަމަށަވެ.

ޑރ. ޝަހީމް މިހެން ވިދާޅުވީ ކްރީން އަވަހަރާވުމާއި ގުޅިގެން އެކަމުގައ ހިތާމައިގައި ބައިވެރިވެވަޑައިގެން އެކުވެރި އިނގިރޭސި ރައްޔިތުންނަށާއި ރާއްޖޭގައި ތިއްބަވާ އިނގިރޭސި ޑިޕްލޮމޭޓުންނަށާއި އޮފިޝަލުންނަށް ތަޢުޒިޔާ ދަންނަވައި ކުރެއްވި ޓްވީޓެއްގައެވެ. އެކަމަކު ފަހުން މި ޓްވީޓް ޑިލީޓް ކުރެއްވީއެވެ.

އިނގިރޭސި ވިލާތުގެ އެންމެ ގިނަ ދުވަހު ތަހުތުގައި ރެދެލި ކުރެއްވި އަދި އިތުރު 14 އިސްތިއުމާރީ ގައުމެއްގެ ރާނީކަން ކުރެއްވި ރާނީ އެލިޒަބަތު 2، އަވަހާރަވީ އުމުރުފުޅުން 96 އަހަރުގައި ބުރާސްފަތި ދުވަހުގެ މެންދުރުފަހު ސްކޮޓްލެންޑްގެ އެބަޑީންޝިއާ ހުންނަ ބެލްމޯރަލް ކާސަލްގައެވެ. 

އެކަމަނާ އަވަހާރަވުމާއި ގުޅިގެން މުޅި ދުނިޔޭގައި ހިތާމަ ފާޅުކުރަމުން އަންނައިރު، ރާއްޖޭގައިވެސް ރަސްމީ ހިތާމައިގެ 3 ދުވަސް އިއުލާންކޮށް ދިވެހި ދިދަވަނީ ބައި ދަނޑިއަށް ތިރިކޮށްފައެވެ.