މިއަދު ފާހަގަކުރަމުންދާ ޓީޗަރުންގެ ދުވަހާއި ގުޅިގެން މިނިސްޓަރު ދެއްވި ހިތޯބުގައި ވިދާޅުވެފައިވަނީ، މުދައްރިސު ކަމަކީ އޭގެ ހެޔޮ އަސަރު އެތައް ޒަމާންތަކަކަށް ދެމިގެންދާ ގަދަރުވެރި މަސައްކަތެއް ކަމަށާއި، ބައެއް ފަރާތްތަކުން ކުރިއަރައި ދިޔަ ސަބަބަކީ އެމީހުންނާއި ދިމާވި މުދައްރިސުން ކަމަށެވެ.
މިނިސްޓަރު ވިދާޅުވީ، ހަލުވި ދުވެއްޔެއްގައި ތަރައްގީވަމުންދާ ދުނިޔެއަށް ހޭލުންތެރިވެފައިވާ ދަރިވަރުން ބިނާކުރުމަށް ކިޔަވައިދިނުމުގެ ވައްޓަަފާޅި ބަދަލުކުރަންޖެހިފައިވާ ކަމަށެވެ.
ނަމަވެސް ދަރިވަރުން އުގެނޭ ތަކެތި ބިނާވަނީ ހަމައެކަނި ފިލާވަޅުތަކުން ނޫންކަން ފާހަގަކުރައްވާ މިނިސްޓަރު ވިދާޅުވީ، ސްކޫލާއި، ދަރިވަރުންނާއި، މުޖުތަމައުއާއިއެކު މުދައްރިސުން އުފައްދާ ގުޅުންތަކުންވެސް ދަރިވަރުން ނަމޫނާ ނަގާނެ ކަމަށެވެ.
ދަރިވަރުންގެ ދިރިއުޅުމުގައި އެންމެ ނުފޫޒުފޯރުވާ އުމުރުގައި ބައްދަލުވާ މުދައްރިސުންނަކީ އެކުދިންގެ އުޅުމާއި، ގުޅުންތައް ބައްޓަން ކުރާ ބައެއް ކަން މިނިސްޓަރު ފާހަގަކުރެއްވި އެވެ.