އޭނާ ވިހާފައިވަނީ މިދިޔަ އޮގަސްޓުމަހުގެ 20 ވަނަ ދުވަހު އެވެ. ވިހެއީ ފިރިހެން ކުއްޖެކެވެ.
ކުއްޖާއަށް މަހެއްވީ މިދިޔަ ސެޕްޓެމްބަރު މަހުގެ 20 ވަނަ ދުވަހު، ދަރިފުޅަށް ނަން ދީފައިވާއިރު، އޭނާ ވަނީ ހަމަ އެދުވަހު ކުރި ޕޯސްޓެއްގައި ދަރިފުޅުގެ ނަން ވެސް ހާމަކޮށްފަ އެވެ.
ސޯނަމްގެ ދަރިފުޅަށް ކީ ނަމަކީ ވަޔޫ ކަޕޫރް އަހޫޖާ އެވެ. ކުއްޖާގެ ނަމަށް ސޯނަމްގެ އާއިލީ ނަން އަދި އޭނާގެ ލާސްޓު ނޭމް ކަޕޫރް ވެސް ވަނީ ހިމަނާފަ އެވެ. ބައްޕަ އާނަންދު އަހޫޖާގެ ނަން ގެނެސްފައިވަނީ އޭގެ ފަހަތަށެވެ.
އިންޑިއާގައި އުސޫލެއްގެ ގޮތުން ކުއްޖާގެ ފަހަތަށް ބޭނުންކުރަނީ ބައްޕަގެ ނަމެވެ. ނަމަވެސް މިފަހަކަށް އައިސް ބައެއް ބޮލީވުޑްތަރިން އެމީހުންގެ ދަރިންގެ ނަމުގެ ފަހަތަށް އަންހެންމީހާގެ ލާސްޓު ނޭމްވެސް ލައެވެ.
ސޯނަމް ބުނީ، ވަޔޫގެ މާނައަކީ ރީތިކަމާއި، ކެރުންތެރިކަން އަދި ބަތަލު ކަމަށެވެ.
