ކާށިދޫގައި އޮތް ދަނޑުވެރިންގެ މައުރަޒު ހުޅުއްވައިދެއްވީ އެގްރިކަލްޗަރ ޑރ. ހުސެއިން ރަޝީދު ހަސަންއެވެ. ދަނޑުވެރިންގެ މައުރަޒު ރަސްމީކޮށް ހުޅުވައިދެއްވާ ވާހަކަފުޅުދައްކަވަމުން ޑރ. ހުސެއިން ރަޝީދު ހަސަން ވިދާޅުވީ ދަނޑުވެރިކަން ތަރައްޤީކުރުމަށްޓަކައި ބޭނުންވާ ވަސީލަތްތައް ރާއްޖެއިން ލިބެންހުރުމަކީ ވަރަށް މުހިންމުކަމެއްކަމަށެވެ.
ކޮންމެ އަހަރެއްގެވެސް އޮކްޓޫބަރު މަހުގެ 15 ވަނަ ދުވަހަކީ ދަނޑުވެރިންގެ ދުވަހުގެ ގޮތުގައި ފާހަގަ ކުރަން ނިންމީ މި ސަރުކާރުންނެވެ. ދަނޑުވެރިންގެ ދުވަހުގެ ނަމުގައި ދުވަހެއް ފާހަގަކުރެއްވުމަށް ނިންމެވި މައިގަނޑު މަގްސަދުތަކުގެ ތެރޭގައި، ދިވެހިރާއްޖޭގެ ކާނާގެ ޔަގީންކަން ކަށަވަރުކުރުމުގެ ގޮތުން ދަނޑުވެރިންކުރާ ބުރަ މަސައްކަތުގެ އަގު ވަޒަންކުރުމާއި، ދަނޑުވެރިކަމުގެ މަސައްކަތް ރާއްޖޭގެ އިގްތިސާދުގައި ހިއްސާކުރާ މިންވަރު އިތުރުކުރުމަށްޓަކައި ޒުވާނުންނާއި މަސައްކަތްކުރާ އުމުރުގެ މީހުން ދަނޑުވެރިކަމަށް ޝައުގުވެރިކުރުވުން ހިމެނެއެވެ.
