ހަންގަނޑު މޮއިސްޓަރައިޒް ނޫނީ އެކްސްފޯލިއޭޓް ކުރުމަށް އާންމު ގޮތެއްގައި ވަރަށް ބޮޑު ހަރަދެއް އަތުން ދެއެވެ. މި ހަރަދުތައް ނުކޮށް، ގޭގައި ހުންނަ ސާމާނު ބޭނުން ކޮށްގެން ހަންގަނޑު އޮމާން ކުރާ ސްކްރަބް އަދި މޮއިސްޗަރައިޒް ޕޭސްޓް ހަދާލެވިދާނެ އެވެ.
ހަންގަނޑު ރީތިކުރުމަށް ކުރެވިދާނެ ބައެއް ކަންކަން:
- ކާށި ތެޔޮ
މިއީ ހަންގަނޑަށް ވަރަށް ފައިދާ ކުރާ އެއްޗެއް ކަމަށް ހަމުގެ ތަޖުރިބާކާރުން ބުނެ އެވެ. އެގޮތުން ކާށި ތެޔޮލަކީ ހަންގަނޑު އޮމާންކޮށްދީ މަޑުކޮށްދޭ އެއްޗެކެވެ. ކާށި ތެޔޮ ބޭނުން ކުރުމުން މީހާގެ ހަންގަނޑު ހައިޑްރޭޓް ކޮށްދީ، ކުރަކި ހަންގަނޑު އޮމާން ކޮށްލަދެ އެވެ.
- މާމުއި
ދިރާސާތަކުން ދައްކާ ގޮތުގައި، ހަންގަނޑުގެ އެކި ކަހަލަ ބަލިތަކަށް ފަރުވާ ކުރުމުގެ ގޮތުން މާމުއި ބޭނުން ކުރެވިދާނެ އެވެ. މާމުއި އަކީ ހަމައަށް ވަރަށް ރަނގަޅު އެއްޗެކެވެ. އާންމުކޮށް މޫނުމަތި ތާޒާކަން މަތީ ބެހެއްޓުމަށް މާމުއި ބޭނުންކުރެ އެވެ.
- އެލޯ ވޭރާ
މީހާގެ އަތްތިލަ ނުވަތަ ފައި ކުރަކިވެ ފަޅައިގެން ގޮސްފާ ވާނަމަ، ނިދަން އޮށޯތުމުގެ ކުރިން އެލޯ ވޭރާ ޖެލް ހާކާށެވެ. އޭރުން ހަންގަނޑު ރީތިވާނެ އެވެ.
- ސަންފްލާވާ އޮށް
ސަންފްލާވާ އޮށުގެ ތެޔޮ ހަންގަނޑުގައި ބޭނުން ކުރުމުން ހަންގަނޑު މޮއިސްޗަރައިޒް ކޮށްދީ ހައިޑްރޭޓް ކޮށްދެ އެވެ.
- އެވަކާޑޯ
އެވަކާޑޯ މާސްކް ބޭނުން ކުރުމުން މޫނުގެ ހަންގަނޑު ނޮރިޝް ކޮށްދީ ހަންގަނޑު ތާޒާ ކޮށްދެ އެވެ.
މިކަންކަމުގެ އިތުރުން ކޮންމެ ދުވަހަކުވެސް ގިނައިން ފެން ބޮއެ، ސިއްހަތަށް ރަނގަޅު ޑައިޓެއް ގެންގުޅުމުން ވެސް މީހާގެ ހަންގަނޑު ރީތިވެ ތާޒާވުމަށް އެހީއަކަށް ވާނެ އެވެ.
