ނިދަން އޮންނަ ގޮތަކުން ތިމާގެ ސިއްހަތައް ވެސް އަސަރު ކޮށްފާނެއެވެ. ދައި ރަަނަގޅު ގޮތަކަށް އޮވެ ނިދުމުން ތިމާގެ ސިއްހަތު ރަނގަޅުވެސް ވާނެ އެވެ.
މި ސުވާލުގެ ޖަވާބު ހޯދުމަށް ސައިންސުވެރިން ވެސް އަންނަނީ ދިރާސާ ކުރަމުންނެވެ. މިގޮތުން ބައެއް ހޯދުންތައް ދައްކާގޮތުން ނިދަން އޮންނަން އެންމެ ރަނަގަޅީ ވާތް ފަރާތަށެވެ.
ސަބަބަކީ ވާތް ފަރާތައް ނިދަން އޮތުމުން ކާތަކެތި ހަޖަމުވުން ފަދަ ކަންކަން ފަސޭހަ ވާތީއެވެ. ނޭވާލާ ނިޒާމަށްވެސް ރަނގަޅީ ވާތް ފަރާތައް ނިދުމުންނެވެ.
މިކަމާ ގުޅޭގޮތުން މެކްސް ސުޕަ ސްޕެސަލިޓީ ހޮސްޕިޓަލުގެ އެސޯސިއޭޓް ކޮންސަލްޓަންޓް ޑރ. މަނީރާ ދަސްމަނަން ބުނެފައިވަނީ "ގޭހުގެ ސަބަބުން ޖެހޭ ރިފްލެކް ބައްޔާ މޭ އެންދުން ފަދަ ކަންކަމުން ވެސް ސަލާމަތް ވާނީ ވާތް ފަރާތައް ނިދުމުން" ކަމަށެވެ.
އެެ ހޮސްޕިޓަލިގެ ގެސްޓްރޮނޮމީ ކޮންސަލްޓަންޓު ޑރ. މަހޭޝް ގުޕްޓާ ވެސް ބުނެފައިވަނީ ވާތް ފަރާތުން ނިދުމުން ހަޖަމްވާން ވެސް ފަސޭހަވާނެ ކަމަށެވެ.
ކަނާތްފަރާތައް އަދި ވާތް ފަރާތައް ނިދުމުން ބަނޑަށް ވާގޮތް:
ޑޮކްޓަރުން ދެކިލައްވާ ގޮތުގައި އުއްޑުން، ބަންޑުން އަދި ކަނާތް ފަރާތައް ނިދުމަކީ ސިއްހަތައް ފައިދާހުރި ކަމެއް ނޫނެވެ. މިގޮތް ގަތައް ނިދުމުން ނޭވާލާން ވެސް އުނދަގޫވުން އެކަށީގެންވެެއެވެ.
