އަލް-ހާލިދީ މި މަގާމަށް އައްޔަނު ކުރެއްވީ އެ ގައުމުގެ މިނިސްޓަރ އޮފް ކަލްޗަރ އަމީރު ބަދުރު ބިން އަބްދުﷲ ބިން ފަރުހާންއެވެ.
މިދާއިރާގެ މަސައްކަތުގައި 33 އަހަރުގެ ތަޖުރިބާ ހުރި އަލް-ހާލިދީ މި މަގާމަށް އައްޔަނު ކުރައްވާފައި ވަނީ ސައުދީގެ މިއުޒިކް ސެކްޓަރ ކުރިއެރުވުމަށް ކުރަންޖެހޭ މަސައްކަތްތައް ފެށުމުގެގޮތުންނެވެ.
އަލް-ހާލިދީ ވަނީ ވަޔަލަނިސްޓެއްގެ ގޮތުގައި އިޖިޕްޓަން އޮކެސްޓްރާއަށް އަށް އަހަރު ދުވަހު މަސައްކަތް ކޮށްދީފައެވެ. އަދި އަލް-ހާލިދީ ވަނީ ކައިރޯގައި ހުންނަ ހަޔަރ އިންސްޓިޓިއުޓް އޮފް މިއުޒިކް އިން ބެޗެލާޒް ޑިގްރީ އިން ވަޔަލިން ޕްލެޔިންގ އެންޑް މިއުޒިކް ތިއަރީ ހާސިލްކޮށްފައެވެ.
މަގާމަށް އައްޔަނު ކުރެއްވުމުން ވަރަށް އުފާވާ ކަމަށާއި މިއީ ހުވަފެނެއް ހަގީގަތަކަން ވުން ކަމުގައި އަލް-ހާލިދީ ވިދާޅުވިއެވެ. އަދި ސައުދީގެ މިއުޒިކް އިންޑަސްޓްރީ އެހެން ހަރުފަތަކަށް ގެންދިއުމައްޓަކައި ކުރަންޖެހޭ މަސައްކަތުގެ ބައިވެރިވުމުގެ ފުރުސަތު ލިބުމަކީ އޭނާ ލިބުނު ވަރަށް ބޮޑު ފަހުރެއް ކަމުގައި ކަމަށް އަލް-ހާލިދީ ސިފަކުރެއްވިއެވެ.