ލޮނު ބޭނުންކޮށްގެން އަސާރަ އެޅުން ފަދަ ކަންކަން ވެސް ކުރެއެވެ. ސަބަބަކީ ލޮނުގެ ކާތަކެތީގެ ފެންގަނޑު ދަމައިގަނެ، ބެކްޓީރިއާ އުފެދުން މަދުކޮށްދޭތީއެވެ.
ލޮނު މާގިނައިން ބޭނުންކުރުމަކީ ސިއްހީ ގޮތުން ދިމާވާ ނުރަނގަޅު މައްސަލަތަކާ ގުޅިފައިވާ ކަމެއްކަން ހަނދާން ނައްތާލެވޭކަށް ނެތެވެ.
ޔޫރަޕިއަން ހާޓް ޖާނަލްގައި ޝާއިއުކުރި ދިރާސާގައި ބުނެފައި ވަނީ ލޮނު ނުކާ މީހުން ނުވަތަ މަދުން ނަމަވެސް ކާނާއަށް ލޮނު އަޅާ މީހުންނާ އަޅާބަލާއިރު ގަވާއިދުން ލޮނު އަޅާ މީހުން ކުއްލި މަރުވުމުގެ ފުރުސަތު 28 ޕަސެންޓް ބޮޑު ކަމަށެވެ.
އެގޮތުން ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) އިން ލަފާދެނީ ދުވާލަކު 5 ގްރާމަށް ވުރެ މަދުން ލޮނު ބޭނުންކުރާށެވެ.
ލޮނު ބޭނުންކުރުން މަދުކުރުމުގެ އިތުރުން ގިނަ ބަޔަކު ލަފާދެނީ ގަވާއިދުން ޓޭބަލް ސޯލްޓް ނުވަތަ އާދައިގެ ލޮނުގެ ބަދަލުގައި "ސެންދާ ނަމާކް" ނުވަތަ "ހިމާލަޔަން ޕިންކް ސޯލްޓް" ބޭނުންކުރުމަށެވެ.
ބެންގަލޫރުގެ އެޕޯލޯ ހޮސްޕިޓަލްސްގެ ޗީފް ކްލިނިކަލް ޑައިޓީޝަން ޑރ ޕްރިޔަންކާ ރޮހަތުގީ ވިދާޅުވީ ސެންދާ ނަމާކް އަކީ “ކަނޑު ނުވަތަ ކޯރެއްގެ ލޮނުފެން ހޫނުވެ ސޯޑިއަމް ކްލޮރައިޑްގެ ކުލަކުލައިގެ ކްރިސްޓަލްތައް ދޫކޮށްލުމުން އުފެދޭ ލޮނުގެ ވައްތަރެއް” ކަމަށެވެ.
ހިމާލިޔަން ލޮނު ސިއްހަތައް ފައިދާ ކުރޭތަ؟
ހޫނު ފެން ބޭނުންކޮށްގެން ކަރުތެރެ ރިއްސުމަށް ފަރުވާ ދިނުމުގައި ވެސް އެހީތެރިވެދޭ ކަމަށް ވެސް އޭނާ ވިދާޅުވި އެވެ.
ފަންކްޝަނަލް ނިއުޓްރިޝަނިސްޓެއް އަދި އައިތްރައިވްގެ ސީއީއޯ އަދި ފައުންޑަރު މުގްދާ ޕްރަދާން ވެސް އެއްބަސްވެ ވަޑައިގަންނަވާގޮތުގައި، ސެންދާ ނަމާކް ނުވަތަ ހިމާލިޔަން ޕިންކު ސޯލްޓް އަކީ "ހަމާއި އިސްތަށިގަނޑުގެ ސިއްހަތު ދެމެހެއްޓުމަށް އެހީތެރިވެދޭ، ނޭވާލާ ނިޒާމާއި ހަޖަމުކުރުމުގެ މައްސަލަތަކަށް ރަނގަޅު، ހަކަތަ އިތުރުކޮށް، ނިދުމުގެ އުސޫލު ރަނގަޅުކޮށްދޭ، އަދި ޓްރޭސް މިނަރަލްސް އިން މުއްސަނދި އެއްޗެ" ކެވެ.
އާންމު ޓޭބަލް ސޯލްޓަށް ވުރެ ރަނގަޅު ބަދަލަކަށް ވާ ސަބަބު ކިޔައިދެމުން ޕްރަދާން އިތުރަށް ވިދާޅުވީ، ގުދުރަތީ ގޮތުން ނެގޭ އަދި ކެމިކަލް ޕްރޮސެސް ނުކުރެވޭތީ، އާންމު ލޮނަށް ވުރެ މި ޒާތުގެ ލޮނު ރަނގަޅު ކަމަށެވެ.
އެއީ ހަށިގަނޑަށް ބޭނުންވާ ހުރިހާ ޓްރޭސް މިނަރަލްސް އެއް އެކުލެވިގެންވާ އެއްޗެކެވެ. އަދި، ލޭގެ ޕްރެޝަރު ސްޓޭބަލްކޮށްދީ (ބީޕީ ދަށްވުމުން) ހިތްދަތިކަން ފިލުވައިދީ، ގޭސް މައްސަލަތައް ފިލުވައިދީ، ކާހިތްވުން ރަނގަޅުކޮށްދެއެވެ.”
ޑރ ރޮހަތުގީ ވަނީ ހިމާލިއަން ޕިންކު ލޮނާއި އާދައިގެ މޭޒުމަތީ ލޮނު އަޅާކިޔުމުގެ ޗާޓެއް ހިއްސާކުރައްވާފައެވެ.
ކެލްސިއަމް (އެމްޖީ): ހިމާލަޔަން ޕިންކް ސޯލްޓްގައި 1.6؛ އާދައިގެ ލޮނުގައި 0.4
ޕޮޓޭސިއަމް (އެމްޖީ): ހިމާލަޔަން ޕިންކް ސޯލްޓްގައި 2.8؛ އާދައިގެ ލޮނުގައި 0.9
މެގްނީޒިއަމް (އެމްޖީ): ހިމާލަޔަން ޕިންކް ސޯލްޓްގައި 1.06؛ އާދައިގެ ލޮނުގައި 0.0139
ދަގަނޑު (އެމްޖީ): ހިމާލަޔަން ޕިންކް ސޯލްޓްގައި 0.0369؛ އާދައިގެ ލޮނުގައި 0.0101
ސޯޑިއަމް (އެމްޖީ): ހިމާލަޔަން ޕިންކް ސޯލްޓްގައި 368؛ އާދައިގެ ލޮނުގައި 381
ހިމާލިޔަން ލޮނު ބޭނުންކުރަންވީ ކޮން މިންވަރަކަށް؟
ޗާޓުގައި ފާހަގަކޮށްފައިވާ ފަދައިން ހިމާލަޔާން ޕިންކް ސޯލްޓާއި ޓޭބަލް ސޯލްޓް ސޯޑިއަމްގެ މިންވަރަށް ބަލާއިރު މާބޮޑު ތަފާތެއް ނެތެވެ. މިހެންކަމުން ހިމާލިޔަން ލޮނު ބޭނުންކުރި ނަމަވެސް “ދުވާލަކު 5 ގްރާމްގައި ހަރުލަން ޖެހޭނެ” ކަމަށް ޑރ ރޮހަތުގީ ވިދާޅުވިއެވެ.
މީގެ އިތުރުން ހިމާލިއަން ޕިންކު ލޮނު ވެސް "މާ ގިނައިން ބޭނުންކޮށްފިނަމަ މަރުވެދާނެ ކަމަށާއި ވަރުބަލިވުމާއި މަސްތައް ބަލިކަށިވުން ފަދަ ހައިޕާކްލޮރެމިއާ (ކްލޮރައިޑްގެ މިންވަރު މަތިވުން) އަށް މަގުފަހިވެދާނެ ކަމަށް ތަޖުރިބާކާރުން ބުނެއެވެ.