މިކަން ހާމަވީ ޒެލެންސްކީގެ ޓެލެގްރާމް ޗެނަލްގައި އާންމުކުރި ވީޑިއޯއުންނެވެ.
ވީޑިއޯގައި ފެންނަނީ ރައީސް ޕެން ޔޫކްރޭންގެ އޯޑާ އޮފް މެރިޓް މެޑަލް ޕެން އަށް ވެސް ހަދިޔާއަކަށް ދެއްވާތަނެވެ. މިއީ އެގައުމުގެ އެންމެ އިއްޒަތްތެރި އެއް ލަގަބެވެ. އަދި އެއާއެކު ޕެން އަށް ވަނީ ޔޫކުރެއިންގެ ޕާސްޕޯޓު ވެސް ދީފައެވެ.
ފިލްމުތަކަށް މަޝްހޫރުވާވަރަށް ސިޔާސީ އެކްޓިވިޒަމްގެ ގޮތުން މަޝްހޫރު ޕެން، ވަނީ މިދިޔަ މާރިޗުމަހު ޔޫކްރޭނުން ފިލައިގެން ވެސް ގޮސްފައެވެ. އެއީ ރަޝިޔާއާއި ޔޫކުރެއިން އާއި ދެމެދު އޮތް ހަމަނުޖެހުންތަކާ ބެހޭ ޑޮކިއުމެންޓްރީއެއް ޝޫޓް ކުރަމުން ދަނިކޮށް އޭނާއަށް ނުރައްކާ ބޮޑުވުމުންނެވެ.
އޭނާ ފަހުން ބުނެފައި ވަނީ ރަޝިޔާއާ ދެކޮޅަށް ހަނގުރާމަ ކުރުމަށް ޔޫކްރޭންގެ ސިފައިންނާ ގުޅުމަށް ވިސްނަވާ ކަމަށެވެ.
ރަޝިޔާގެ އޮފިޝަލުން މީގެ ކުރިން ވަނީ ޕެން، އަދި އޭނާގެ އެކުވެރި އެކްޓަރު ބެން ސްޓިލާ ރަޝިޔާގެ "ސްޓޮޕް ލިސްޓަށް" އިތުރުކޮށްފައެވެ. މާނައަކީ މިހާރު އެމީހުން ރަޝިޔާއަށް ވަނުމުގެ ހުއްދައެއް ނޯންނާނެއެވެ.
