އަމީތާބަކީ ކޮންމެ އާދިއްތަ ދުވަހަކުވެސް އޭނާގެ ފޭނުންނާއި ގޭ ދޮށުގައި ބައްދަލުކުރާ މީހެކެވެ. މިދިޔަ އާދިއްތަ ދުވަހު ވެސް އަމީތާބު ވަނީ އެނާގެ ފޭނުންނާއި ބައްދަލުކުރުމަށް ވަގުތުކޮޅެއް ހޭދަކޮށްފައެވެ.
ނަމަވެސް ފޭނުންގެ ތެރެއިން ކުޑަ ފިރިހެންކުއްޖަކު ސެކިއުރިޓީ ފޫއަޅުވާލުމަށްފަހު އަމީތާބާއި ދިމާލަށް ވަނީ ދުއްވައިގަނެފައެވެ. އޭނާގެ އަތުގައި އޮތީ އެނާ ކުރަހާފައި އޮތް އަމީތާބުގެ ފޮޓޯއެކެވެ. އެ ފޮޓޯއަކީ "ޑޮން" ގައި އަމީތާބު އެކްޓުކުރި އިރު ހުރިގޮތައް ކުރަހާފައިވާ ފޮޓޯއެކެވެ.
އެކުއްޖާ ވަނީ ފޮޓޯ އާއެކު އައިސް އަމީތާބުގެ ފައިބުޑަށް ތިރިވެ އޭނާގެ ކުރެހުމުގައި އަމީތާބުގެ އޮޓޯގްރާފް ހިމެނުމަށް އެދިފައެވެ.
ތުއްތު ކުއްޖާ ދުވެފައި އަމީތާބު ގާތައް އަންނަނީ: ފޮޓޯ އަމީތާބުގެ ބްލޮގް
މި ކުއްޖާގެ އަމަލުތައް ހުރިގޮތުން އަމީތާބު ޖަޒުބާތުގައި ޖެހި ރޮވުނުކަމަށް އޭނާގެ ބްލޮގުގައި ވަނީ ލިޔެފައެވެ. އަދި މި ކުއްޖާގެ ފޮޓޯއެއް ވެސް އަމީތާބު ވަނީ އޭނާގެ ބުލޮގުގައި އާންމުކޮށްފައެވެ.
އެންމެ ފަހުން އަމީތާބުގެ ފިލްމެއް ނުކުމެފައިވަނީ މި ނޮވެންބަރު މަހުގެ 11 ވަނަ ދުވަހުއެވެ. "އުންޗައި" ނަމަކަށް ކިޔާ މި ފިލްމުގައި އަމީތާބު ކުޅެފައިވާ ރޯލު ގިނަބަޔަކަށް ކަމުގޮސް އަމީތާބަށް ގެންދަނީ ތައުރީފު ކުރަމުންނެވެ. ތައުރީފު ކުރާ މީހުންނަށް ވެސް އޭނާގެ ބްލޮގިގައި ވަނީ ޝުކުރު އަދާކޮށްފައެވެ.
