ނަމަވެސް ވެޓެރަން އެކްޓަރު ވިކްރަމް ގޯޚާލޭ އަދިވެސް ދިރިހުރި ކަމަށާއި އޭނާ ވެންޓިލޭޓަރަށް ލާފައިވާ ކަމަށް އޭނާގެ އަންހެނުން ވަނީ ބުނެފައެވެ.
ގޯހާލޭގެ އަންހެނުން ވްރޫޝާލީ ބުނީ އިއްޔެ މެންދުރު ކޯމާއަށް ވެއްޓުނު ކަމަށާއި އޭގެ ފަހުން އަތްލުމުން އެއްވެސް ޖަވާބެއް ނުދޭ ކަމަށެވެ. އޭނާ މިހާރު އޮތީ ވެންޓިލޭޓަރުގައި ކަމަށާއި އޭނާގެ ހާލަތަށް ބަލާފައި ކުރާނެ ކަމެއް މާދަމާ ހެނދުނު ޑޮކްޓަރުން ނިންމާނެ ކަމަށެވެ.
އޭނާގެ އަންހެން ދަރިފުޅު ވެސް ވަނީ އޭނާގެ ބައްޕަ މަރުނުވާކަމަށާއި، އަދިވެސް ލައިފް ސަޕޯޓުގައި ދިިރި ހުރި ކަމަށް މީޑިއާއަށް އަންގާފައެވެ. އޭނާގެ ބައްޕައަށް ހެޔޮ ދުއާ ކޮށްދިނުމަށް ވެސް ވަނީ އެދިފައެވެ.
ވިކްރަމް ގޯހާލޭ
ވިކްރަމް ގޯޚާލޭގެ އަންހެނުން ވްރޫޝާލީ ބުނި ގޮތުގައި އޭނާގެ ފިރިމީހާ ހޮސްޕިޓަލުގައި ނޮވެމްބަރު މަހުގެ ފަސް ވަނަ ދުވަހުން ފެށިގެން އެޑްމިޓްކޮށްފައިވާކަމަށެވެ. އޭނާ ބުނީ ހިތާއި ކިޑްނީ ފަދަ ގިނަ މައްސަލަތަކެއް ދިމާވެފައިވާ ކަމަށާއި މިވަގުތު އޭނާއަށް ގިނަ އޯގަންތަކެއް ފެއިލްވެފައިވާ ކަމަށެވެ.
