ޝްރައްދާ ވަލްކާރުގެ މަރުގެ މައްސަލައިގައި ތުހުމަތު ކުރެވޭ އަފްތާބް ޕޫނާވާލާގެ އާ އަޕްޑޭޓްތައް ގަވާއިދުން އަންނަނީ އިންޑިއާގެ މީޑިއާތަކަށް ތިލަވަމުންނެވެ.
ޕޫނާވާލާ އޭނާގެ ލޯބި ވެރިއާގޮތުގައި އުޅުނު ލިވް އިން ޕާޓްނަރު ޝްރައްދާ މަރާލާފައި 30 ކޮތަޅަށް ބަހާލައިގެން ގާތްގަނޑަކަށް ތިން ހަފްތާ ވަންދެން 300 ލީޓަރުގެ ފްރިޖުގައި ބަހައްޓާފައިވެއެވެ.
އޭނާ ދިރިއުޅޭ ސައުތު ދިއްލީ މެހެރައުލީގައި އޭނާގެ ހަށިގަނޑު ބަހައްޓައިގެން އެތައް ދުވަހެއް ވަންދެން ރޭގަނޑު ދަންވަރު އޭނާގެ ހަށިގަނޑުގެ ކޮތަޅުތައް އުކާލަން ފެށި އެވެ.
ބޮލީވުޑްގެ ބަތަލާ ކަންގަނާ ރަނައުތު ވެސް ކޭސް އަޕްޑޭޓްތަކަށް ރިއެކްޓްކޮށް ހަބަރުތަކާ ގުޅޭގޮތުން މިވަނީ ވާހަކަ ދައްކާފައެވެ.
އާ އަޕްޑޭޓެއްގައި ހާމަވެފައިވާ ގޮތުގައި ޝްރަދާ ބިރުގަތީ އަފްތާބް ޕޫނާވާލާ އޭނާ މަރާލަފާނެތީއެވެ. މީގެ ދެ އަހަރުކުރިން އޭނާ ވަނީ އެހީއަށް އެދި ފުލުހުންނަށް ސިޓީ ފޮނުވާފައެވެ.
ޝްރައްދާ އަދި އެނާގެ ގާތިލު
އަނިޔާވެރި މަރުގެ މައްސަލައިގައި ކަންގަނާ ރަނައުތުގެ އުދާސްތައް:
ބޮލީވުޑްގެ ބަތަލާ ކަންގަނާ ރަނައުތު ވަނީ ޝްރައްދާ ވަލްކާގެ އެހީއަށް އެދި އާދޭސްކުރާ ސިޓީގެ ފޮޓޯ ހިއްސާކޮށް، ދިގު ނޯޓެއް ވެސް ލިޔެފަ އެވެ.
ކަންގަނާ ރަނައުތް
ކަންގަނާ ބުނީ އޭނާގެ ގާތިލު ބެލީ ބޮލަށް އެރިގެން ދިއްލީއަށް ގެންދެވޭތޯކަމަށެވެ. އޭނާ އެކަހެރިކޮށްލުމަށްފަހު އޭނާގެ މަރައިލިކަމަށެވެ.
އިތުރަށް އެ ޕޯސްޓުގައި ބުނެފައިވަނީ ކޮންމެ އަންހެނަކީ ވެސް މުހިންމު މީހެއްކަމަށާއި، މަރުވާ ކޮންމެ އަންހެނަކާއެކު އެ ގެއްލެނީ އިންސާނަކު ދުނިޔެއަށް އަންނަނަށް އޮތް ދޮރެއް ކަމަށެވެ.
