ގެއްލިގެން ހޯދަމުން އަންނަނީ ބެންގަލޫރުގެ ބްލޮސަމްސް ކޮންވަލެސެންޓް ކެއަ ޓްރަސް ނަމަކަށް ކިޔާ ރިހެބިލިޓޭޝަން ސެންޓަރަކުން ފަރުވާ ހޯދަމުން އަންނަ ހދ. ކުޅުދުއްފުށި، ރެޑްކޯސްޓް، ޢަބްދު ﷲ ޢާލިމް ނަމަކަން ކިޔާ ޒުވާނެކެވެ.
ޢާލިމްގެ ކޮއްކޮ އަޙްމަދު އާޒިމް ސީއެންއެމް އަށް ބުނީ މި މަހުގެ އަށް ވަނަ ދުވަހު ހެނދުނު ބޭބެ ހިނގާލަން ނުކުމެފައި، އަނބުރާ ރިހެބިލިޓޭޝަން ސެންޓަރަށް ގޮސްފައި ނުވާކަމަށެވެ. އާޒިމް ބުނީ ރިހެބިލިޓޭޝަން ސެންޓަރުންނާއި، ބެންގަލޫރު ފުލުހުން ޢާލިމް ހޯދުމުގެ މަސައްކަތް ކުރަމުން އަންނައިރު، އަދި މިހާތަނަށް ބޭބެގެ އެއްވެސް ހަބަރެއް ވެފައި ނުވާކަމަށެވެ.
ޢަބްދު ﷲ ޢާލިމް ހޯދުމުގެ އެންމެންގެ އެހީތެރިކަމަށް އެ އާއިލާއިންވަނީ އެދިފަ އެވެ. ޢާލިމްއާ ބެހޭ އެއްވެސް މަޢުލޫމާތެއް ލިބިއްޖެނަމަ 9825544 ނަމްބަރު ފޯނަށް ނުވަތަ [email protected] މެއިލްއަށް ހަބަރު ކޮށްދެއްވުމަށް އެ އާއިލާއިން އެދެ އެވެ.
