މާލޭ ސިޓީ ކައުންސިލުން "ސީއެންއެމް" އަށް ބުނިގޮތުގައި، އެ ސަރަހައްދަށް ދޭތެރެ ދޭތެރެއިން ކަޅުތެޔޮ އެޅެއެވެ. މި ކަޅުތެޔޮ އެޅޭކަމަށް ކައުންސިލަށް މައުލޫމާތު ލިބިފައިވަނީ، ލައްގާ ކަޅުހަން ތަކަކުން ކަމަށް ކައުންސިލުން ބުންޏެވެ. ނަމަވެސް މި ކަޅުހަންތަކުގެ ހަގީގަތެއް ނުވަތަ އަންނަ ދިމާލެއް ކައުންސިލަކަށް ވެސް ސީދާ ބުނާކަށް ނޭނގެ އެވެ.
"ދޭތެރެ ދޭތެރެއިން ހަމަ އެ ސަރަހައްދުގައި އޮންނާނެ ކަޅުތެޔޮ އެޅިފައި. އަޅުގަނޑަށް މައުލޫމާތު ދިން ފަރާތުން ބުނީ އެއީ އެ ސަރަހައްދަށް ލައްގާ ކަޅު ހަންތަކަކުން އެޅޭ ކަޅުތެޔޮ ކަަމަށް. ކަޅުހަންތަށް އަންނަނީ ކޮން ދިމާލަކުން ކަމެއް އަޅުގަނޑުމެން ނަކަށްވެސް ނޭނގެ،" އެކަން ކަމާއި ގުޅުންހުރި ފަރާތްތަކުގެ ފަރާތުން ސާފުކޮށްލާނެކަން ފާހަގަކުރަމުން ކައުންސިލުގެ މީޑިއާ އޮފިސަރެއް ވިދާޅުވި އެވެ.
އެ ސަރަހައްދަށް މިއަދުވެސް ވަނީ ގިނަ އަދަދެއްގެ ކަޅުތެޔޮ އެޅި މޫދުގެ ބޮޑު ބައެއް ކަޅުކޮށްލާފައެވެ. މި ކަޅުތެޔޮ މޫދުން ނަނގާ ސާފުކުރުމުގެ މަސަައްކަތް މިހާރު ދަނީ ކުރަމުން ނެވެ. އެމްއެންޑީއެފް އިން ބުނީ، ރަސްމީ ފާލަމާއި 3 ނަންބަރު ޖެޓީ ދެމެދު ގިނަ އަދަދެއްގެ ކަޅުތެޔޮ އެޅިފަ ހުރިކަމުގެ މައުލޫމާތު އެމްއާރުސީސީއަށް ލިބުނީ މިއަދު ހެނދުނު 09:10 ހާއިރު ކަމަށެވެ.
ކަޅުތެޔޮ އެޅިފައިވާ ސަރަހައްދު
މިކަމުގައި ކޯސްޓްގާޑުގެ ސިފައިންނަށް އެހީތެރިވުމަށް އެމްއެންޑީއެފް މާލެ އޭރިއާ ކޯސްޓްގާޑް ސްކޮޑްރަނާއި މާލެ އޭރިއާ މެރީންސާއި މެރިން ޕޮލީސްގެ އިތުރުން މާލެ ސިޓީ ކައުންސިލްގެ ފަރާތުން ވެސް އަންނަނީ އެހީތެރިކަން ފޯރުކޮށްދެމުން ނެވެ.
