އިންޑިއާ އެމްބަސީގައި ރޯކޮށްލުމަށް އޭނާގެ ނަމުގައިވާ ޓްވިޓް އެކައުންޓަކުން ގޮވާލި މައްސަލާގައި އައްބާސް ހައްޔަރުކޮށްފައިވަނީ މިދިޔަ ޑިސެމްބަރު 25 ވަނަ ދުވަހުއެވެ.
ހައްޔަރުކޮށް ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ފުރަތަމަ ކޯޓުން ދިނީ ބަންދުގައި ބެހެއްޓުމަށް ފަސް ދުވަހުގެ މުއްދަތެކެވެ. އެ މުއްދަތު ހަމަވުމުން ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ހަތް ދުވަހުގެ މުއްދަތެއް ބަންދަށް ދީފައެވެ.
ދެ ފަހަރެއްގެ މަތިން އައްބާސްގެ ބަންދުގެ މުއްދަތު އިތުރުކޮށް އެމުއްދަތު ހަމަވުމުން އަލުން ކޯޓަށް ހާޒިރު ކުރުމުން މިފަހަރުވެސް ވަނީ އޭނާގެ ބަންދަށް ހަތް ދުވަސް އިތުރުކޮށްފައެވެ.
އައްބާސް ކުރި ޓްވީޓެއްގައި ބުނީ އައްޑޫގައި ފެބްރުއަރީ 8 ގައި ހުޅުޖެހީ އިންޑިއާގެ އޯޑަރަށް ކަމަށެވެ. އެކަމުގެ ބަދަލު އަދި އޮތީ ނުހިފިކަމަށާއި އެމްބަސީން ފަށަން ފެންނަ ކަމަށް އައްބާސް އާދިލް ރިޒާގެ ޓްވީޓުގައި ބުނެފައިވެއެވެ.
އައްބާސްވަނީ ރައީސް ވަހީދުގެ ވެރިކަމުގައި ރައީސް އޮފީހުގެ ސްޕޯކްސްޕާސަންކަމާއި ފިނޭންސް މިނިސްޓްރީގެ ސްޓޭޓް މިނިސްޓަރުކަން އަދި ރައީސް ޔާމީންގެ ވެރިކަމުގައި ކަސްޓަމްސްގެ އެންމެ އިސްވެރިޔާގެ މަގާމްވެސް އަދާ ކުރައްވާފައިވާ
