މަޔޫރެސްވާ އަކީ އިންޑިއާގެ ހުޅަނގު ބެންގަލް ސްޓޭޓްގެ ބިރްބޫމް ޑިސްޓްރިކްޓްގައި އޮންނަ އެސެމްބްލީ ދާއިރާއެކެވެ.
އެ ސްކޫލުގެ އޮފިޝަލަކު މީޑިއާއަށް މައުލޫމާތު ދެމުން ބުނީ ވިހަވި ކުދިން ރާމްޕޫރުހަތު މެޑިކަލް ކޮލެޖަށް ވަގުތުން ގެންގޮސްފައިވާކަމަށެވެ.
ކެއުން ތައްޔާރުކުރި ސްކޫލުގެ މުވައްޒަފަކު ވެސް ބުނި ގޮތުގައި ލެންޓިލްސް ފުރިފައިވާ އެއް ކޮންޓެއިނަރުން ވަނީ ހަރުފައެއް ފެނިފައެވެ.
"ކުދިން ހޮޑުލަން ފެށުމުން ކުދިންނަށް އަވަސް އަވަހަށް ރާމްޕޫރުހަތު މެޑިކަލް ކޮލެޖް އެންޑް ހޮސްޕިޓަލަށް ގެންދަން ޖެހުނީ،" ސްކޫލުގެ އޮފިޝަލެއް ބުނެފައިވެއެވެ.
މި މައްސަލައިގައި އެ ސްކޫލުގެ ބެލެނިވެރިން ވަނީ ސްކޫލުގެ ހެޑްމާސްޓަރު ވަގުތުތަކެއް ވަންދެން ރަހީނުކޮށްފައެވެ. އަދި އޭނާގެ ސައިކަލަށް ގެއްލުން ދީފައެވެ. ނަމަވެސް ފަހުން ހެޑްމާސްޓަރު ވަނީ މިނިވަންކޮށްފައެވެ.
އެޑްމިޓް ކުރި ކުދިންގެ ތެރެއިން އެއް ކުއްޖެއް ފިޔަވައި ދެންތިބި ކުދިން ވަނީ ހޮސްޕިޓަލުން ދޫކޮށްލާފައެވެ.
މި މައްސަލަ ފުލުހުން ތަހުގީގުކުރަމުން އަންނައިރު، ކާތަކެތީގެ ތެރެއަށް ހަރުފަ ވެއްޓުނީ ކިހިނެއްކަން އަދި ނޭގެއެވެ.
