ފުލުހުން މިއަދު ބުނިގޮތުުގައި މިމަހުގެ އަށްވަނަ ދުވަހު ރާއްޖެއައި ޕާކިސްތާން މީހެއްގެ ލަގެޖުގައި މަސްތުވާތެކެތި އެތެރެކުރި ކަމުގެ ތުހުމަތުގައި އޭނާ ފުލުހުންނާއި ހަވާލުކުރީ ކަސްޓަމްސް އިން ނެވެ. ނަމަވެސް އެދުވަހު އޭނާގެ ލަގެޖު ހަވާލުކޮށްފައި ނުވެ އެވެ. 

ފުލުހުންގެ ތަހުގީގުތެރޭ އޭނާއާއި ސުވާލުކުރުމުން، 30 ކިލޯގެ އިތުރު ލަގެޖެއް ގެނައިކަމަށާއި، ލަގެޖު ގެންދިޔަ މީހަކު ނޭނގޭ ކަމަށް އޭނާ ފުލުހުންނަށް މައުލޫމާތު ދީފައިވާ ކަމަށް ފުލުހުން މިއަދު ބުންޏެވެ. 

ފުލުހުން ބުނީ، މިހާތަނަށް ވީއައިއޭއިން ލިބިފައިވާ ސީސީޓީވީ ފުޓޭޖުތަކުން އެ ލަގެޖު އަދި ދެނެގަނެވިފައި ނުވާ ކަމަށާއި، އެއަޕޯޓުގެ ބައެއް މުހިންމު ދިމާތަކުގައި ސީސީޓީ ކެމެރާވެސް ނެތްކަން ފާހަގަކުރެވިިފައިވާ ކަމަށެވެ. 

މިކަމާއި ގުޅިގެން ބަލަންޖެހޭ ކަންކަން ބަލަމުންދާ ކަމަށްވެސް ފުލުހުން ބުންޏެވެ.