އެ ހާދިސާގައި މިނިސްޓަރުގެ އިތުރުން އެ މިނިސްޓްރީގެ އިސް އޮފިޝަލުންނާއި، ތިން ކުޑަކުއްޖަކު މަރުވެފައި ވާކަމަށް އެގައުމުގެ ނޫސްތަކުން ވަނީ ބުނެފަ އެވެ. ޖުމްލަ 18 މީހަކު މި ހާދިސާގައި މަރުވެފައި ވާއިރު، އެ ސަރަހައްދުގައި އެގައުމުގެ ސަލާމަތީ ބާރުތަކުން މިހާރު ދަނީ ހަރަކާތްތެރިވަމުންނެވެ.
މި ހާދިސާގައި އެގައުމުގެ އިންޓާނަލް އެފެއާޒް މިނިސްޓްރީގެ ސްޓޭޓް ސެކްރެޓެރީ، ޔޫރީ ލުބްކޮވިޗްވެސް ވަނީ މަރުވެފަ އެވެ.
މި ހާދިސާ އާއި ގުޅިގެން އެގައުމުގެ ބައެއް ނޫސްތަކުން ތުހުމަތުގެ އިނގިލި ރަޝިއާއަށް ދަނީ އަމާޒު ކުރަމުންނެވެ. އެހެން ނަމަވެސް ރަސްމީ އެއްވެސް އިދާރާއަކުން އަދި މިހާތަނަށް މިކަމުގެ މައުލޫމާތު ހާމަކޮށްފައި ނުވާ އިރު، އެގައުމުގެ ބައެއް ރައްޔިތުންނާއި ހަވާލާދީ ރިޕީޓް ތައް ބުނާ ގޮތުގައި ހެލިކޮޕްޓަރު ވެއްޓުމުގެ ކުރިންވެސް އޭގައި އަލިފާނުގެ އަސަރު ފެންނަން ހުރި ކަމަށެވެ.
އެގައުމުގެ އިންޓީރިއާ މިނިސްޓަރު މަރުވެފައި ވާއިރު، އޭނާ ވެފައި ވަނީ، ރަޝިއާއިން ދެމުން އަންނަ ހަމަލާތަކާއި ގުޅިގެން އެންމެ ގިނައިން ރަޝިއާއަށް ބަހުގެ ހަމަލާތައް އަމާޒުކުރަމުން އަންނަ އެއް މިނިސްޓަރަށެވެ. އަދި އެގައުމުގެ ރައްޔިތުންނަށް ހަނގުރާމައިގެ މައުލޫމާތުތައް އެންމެ ފުރިހަމަކޮށް ގެނެސްދިނުމުގައި މިނިސްޓަރު ވަނީ ބޮޑު ދައުރެއް އަދާ ކޮށްފަ އެވެ.
ހެލިކޮޕްޓަރު ވެއްޓުނު ހާދިސާގައި 22 މީހަކަށް ހޮސްޕިޓަލުގައި ފަރުވާ ދެމުން ދާއިރު، އޭގެ ތެރޭގައި ނުވަ ކުޑަކުއްޖެއް ހިމެނޭކަމަށް ރިޕޯޓް ކޮށްފައިވެ އެވެ.
