ފްލައިޓް ވެއްޓުނުއިރު އޭގެ ތެރެގައި 72 ޕަަސަންޖަރުން ތިއްބެވެ. ހާދިސާ ހިނގުމުގެ ކުރިން އޭގެ އިންޖީނުތަކުގައި ވަނީ ހުޅުހިފާފައެވެ.
ފްލައިޓް ވެއްޓި އޭގައި ތިބި އެންމެން ވެސް ވަނީ މަރުވެފައެވެ. ބައެއް މީހުންގެ ހަށިގަނޑު އަދިވެސް ނުފެނެއެވެ.
ފްލައިޓު ވެއްޓުމުގެ ކުރިން އެގޭތެރޭގައި އިން އިންޑިއާގެ ރައްޔިތެއް ކަމަށްވާ ސޯނޫ ޖައިސްވަލް ކިޔާ މީހަކު ފޭސްބުކް ލައިވްއަށް ނަގާފައިވާ ވީޑިއޯއިން ފެންނަނީ އޭނާ އިން ފްލައިޓް ކުއްލިއަކަށް ވެއްޓި ހުޅުހިފާތަނެވެ. އަދި ބާރު އަޑުފަށްގަނޑާއެކު ފޯނުވެސް ވިއްސައިގެން ދެއެވެ.
މިހާދިސާ ހިނގިއިރު ފްލައިޓު ވަނީ ރަންވޭގައި ޖައްސަން ވަރަށް ކައިރިވެފައެވެ. ވީޑިއޯ ނަގާފައިވާ ސޯނޫ އާއެކު މި ފްލައިޓުން އިންޑިއާގެ ފަސް މީހުން ދަތުރުކުރިއެވެ. އެ ފަސް މީހުންނަކީ ވެސް އުއްތުރަ ޕްރަދޭޝް އަށް ނިސްބަތްވާ ފަސް މީހުންނެވެ.
ނޭޕާލުން ގެންދަނީ ފްލައިޓް ވެއްޓުނީ ކިހިނެއްތޯ ހޯދުމަށް މަސައްކަތް ކުރަމުންނެވެ. ފްލައިޓުގެ ބްލެކް ބޮކްސް މިހާރު ވަނީ ތަހުގީގުޓީމުން ހޯދާފައެވެ.
