ޖަލްސާ ކުރުކޮށްލަން ޖެހުނީ ނުރައްކަލެއްގެ ސަބަބުން ކަމަށް ބުނެ އަޑު ފެތުރުމުން ބިރުވެރިކަން އުފެދުނު ނަމަވެސް އެވަގުތު އެމްއެންޑީއެފުން އެއްވެސް އެއްޗެއް ބުނަން ބޭނުމެއް ނުވިއެވެ. މިމައްސަލާގައި އެމްއެންޑީއެފުން ވާހަކަ ދެއްކީ ރޭ ފަތިހު 5:48 ގައެވެ.

ނަމަވެސް އޭރު ފުލުހުންވަނީ އެމްއެންޑީއެފާއި ހަވާލާދީ ރައީސް ނަޝީދުގެ ޖަލްސާ ކުރުކޮށްލަން ޖެހޭވަރުގެ ތްރެޓެއް ނެތްކަމަށް ބުނެފައެވެ.

ރޭ ފަތިހު އެމްއެންޑީއެފުން މީޑިއާތަކަށް ފޮނުވި މެސެޖްގައި ބުނެފައި ވެއެވެ.

ރޭ އާޓިފިޝަލް ބީޗުގައި ބޭއްވި ޖަލްސާގައި އެންމެ ފުރަތަމަވެސް ވާހަކަފުޅު ދެއްކެވީ، ރައީސް ނަޝީދެވެ. ގިނަ ބަޔަކު ބައިވެރިވި މި ޖަލްސާގައި ފޯރީގައި ރައީސް ނަޝީދު ވާހަކަފުޅު ދައްކަވަމުން ދިޔަ ނަމަވެސް 10 ވަރަކަށް މިނެޓު ފަހުން އެމަނިކުފާނު ވަނީ ވާހަކަފުޅު ކުރުކުރައްވާ، އެ ސަރަހައްދުން ވަޑައިގެންފަ އެވެ. 

މިކަމާއި ގުޅިގެން "ސީއެންއެމް" އަށް މައުލޫމާތު ދެއްވި ރައީސް ނަޝީދު އަރިސް ބޭފުޅަކު ވިދާޅުވީ، ޖަލްސާ ކުރުކޮށްލުމަށްފަހު ވަޑައިގެންނެވީ، އެމަނިކުފާނުގެ ސެކިއުރިޓީއިން ދިން އިރުޝާދުގެ ދަށުން ކަމަށެވެ. އެހެން ނަމަވެސް މިކަމާއި ގުޅޭ އިތުރު ތަފްސީލެއް އެބޭފުޅާ ނުދެއްވަ އެވެ. 

މިކަމާއި ގުޅޭގޮތުން އެމްއެންޑީއެފުން އެވަގުތު ވާހަކަ ނުދެއްކި ނަމަވެސް ފުލުހުން ރޭ މީޑިއާތަކަށް ފޮނުވި މެސެޖެއްގައި ބުނެފައިވަނީ ނުރައްކަލެއްގެ ސަބަބުން ރައީސް ނަޝީދުގެ ޖަލްސާ ކުރުކޮށްލަން ޖެހުނުކަމަށް ބުނިނަމަވެސް އެފަދަ މައުލޫމާތެއް ލިބިފައިނުވާ ކަމަށެވެ. އަދި އެފަދަ ނުރައްކަލެއް އުޅޭކަމުގެ މައުލޫމަތު ލިބިފައި ނުވާކަމަށް އެމްއެންޑީއެފުންވެސް ބުނެފައިވާކަމަށް ފުލުހުން ބުނެއެވެ.