މިއީ އިއްޔެއިން ފެށިގެން މިމަހުގެ ހަތަރު ވަނަ ދުވަހުގެ ނިޔަލަށް ކުރިއަށްގެންދާ ޕްރޮގުރާމެކެވެ. މިގޮތުން ބ. އަތޮޅު ތައުލީމީ މަރުކަޒުގައި ބާއްވަމުން ގެންދާ ވޯކްޝޮޕުގައި ނ، ރ، ބ އަތޮޅުގެ ޖުމުލަ 29 އިންކްލޫސިވް އެޑިޔުކޭޝަން ޓީޗަރުން ބައިވެރިވެއެވެ.
އޭގެ އިތުރުން އައްޑޫ ސިޓީ ޝަރަފުއްދީން ސްކޫލުގައި ބާއްވަމުން ގެންދާ ވޯކްޝޮޕުގައި ގއ، ގދ، ޏ، ސ އަތޮޅުގެ 41 އިންކްލޫސިވް އެޑިޔުކޭޝަން ޓީޗަރުން ބައިވެރިވެއެވެ.
މި ދެ ސަރަހައްދުގައި ކުރިއަށްގެންދާ މި ދެ ވޯކްޝޮޕު ފެސިލިޓޭޓް ކުރައްވަނީ ޑިޕާޓްމަންޓް އޮފް އިންކްލޫސިވް އެޑިޔުކޭޝަންގެ ޕްރޮފެޝަނަލް ބޭފުޅުންނާއި އިންކްލޫސިވް އެޑިޔުކޭޝަންދާއިރާގައި އިސްކޮށް ހަރަކާތްތެރިވާ ބައެއް ސްކޫލުތަކުގެ ޓީޗަރުންނެވެ.
މި ހިނގާ މާޗްމަހުގެ ތެރޭގައި މިފަދަ އިތުރު ތަމްރީނު ޕްރޮގްރާމްތައް ރާއްޖޭގެ އެހެން ސަރަހައްދުތަކުގައި ކުރިއަށްގެންދަން ރާވާފައިވާކަމަށް ޑިޕާޓްމަންޓް އޮފް އިންކަލޫސިވް އެޑިޔުކޭޝަނުން މައުލޫމާތު ދެއެވެ. އަދި 170 ޓީޗަރުން މި ޕްރޮގްރާމުގެ ތެރެއިން ތަމްރީނު ކުރުމަށް ރަވާފައިވެއެވެ.
