އެމައްސަލަ ފެންމަތިވެގެން ވޯޓުލުން ހުއްޓުވާފައިވަނީ 09:30 ހާއިރު އެވެ. އެރަށުގައި ހުންނެވި ރައީސް މުހައްމަދު ނަޝީދުގެ ކެމްޕެއިން ޓީމުގައި ހިމެނޭ މަންދޫބެއް "ސީއެންްއެމް" އަށް މީގެ ކުޑައިރުކޮޅެއް ކުރިން މައުލޫމާތު ދިން ގޮތުގައި އަދިވެސް އެމައްސަލަ ހައްލުކުރެވިފައެއް ނުވެ އެވެ.
"އެތަނުގައި އޭރު ތިބި މަންދޫބުން ބަދަލުކުރުމަށްފަހު އަލުން ވޯޓުލާން ފަށަން މަސައްކަތް ކުރަމުންދަނީ. އެކަމަކު ކުރީން ލީ ވޯޓުތައް ބާތިލުކުރުމަށްފަހު އަލުން ވޯޓުލާން ނޫންގޮތަކަށް އަޅުގަނޑުމެން ވޯޓުލާން ފެށުމުގެ ފުރުސަތެއް ނުދޭނަން،" މަންދޫބަކު ވިދާޅުވި އެވެ.
ހޯޑެއްދޫގައި ވޯޓުލުން ކުރިއަށް ނުގެންގޮސް މިވަގުތަށް ވަނީ ހުއްޓުވާފައި
އަދިވެސް އެ ވޯޓު ފޮށީގެ ވޯޓުލުން ފެށިފައިނުވާއިރު، ލިސްޓުގައި ނަން ނެތް މީހުން އެކި ދާއިރާތަކުގެ ވޯޓު ފޮށިތަަކަށް ވޯޓުލާ ކަމުގެ ކަންބޮޑުވުންތަކާއިއެކު ހިތްހަމަ ނުޖެހުންތައް ދަނީ ފާޅުކުރަމުން ނެވެ.
އެގޮތުން ލިސްޓުގައި ނަން ނެތް މީހަކު ގއ. ވިލިނގިލީ މާލޭ ދާއިރާގެ ވޯޓު ފޮއްޓަށް ވޯޓުލި ކަމަށް ބުނެ އެ ދާއިރާގެ ވޯޓުލުން ވެސް ހުއްޓުވި އެވެ. އެކަަމަކު އެ މައްސަލަ ހައްލުކޮށް މިހާރު އެފޮށީގެ ވޯޓުލުން ވަނީ ފަށާފަ އެވެ.
މާފަންނު ދެކުނު ދާއިރާގެ ވޯޓުލުން ވެސް އެ ސަބަބާއި ހެދި ވަނީ މެދުކެނޑިފައެވެ. އަދި މި ސަބަބާއި ހުރެ ހިރިޔާ ސްކޫލުގައި ބަހައްޓާފައި ހުރި ވޯޓު ފޮއްޓަށް ވޯޓުލާން ދިޔަ މީހުންގެ މެދުގައި ވެސް ހަމަނުޖެހުންތަކެއް ހިނގާފައި ވެއެވެ.
