އިމްރާން ކުރެއްވި ޓްވިޓެއްގައި ވިދާޅުވީ އިހްލާސްވެރިކަމާއި އެކު ރައީސް ޔާމީން ސަލާމަތް ކުރަން އުޅުއްވާ ބޭފުޅުނަނަށް ވުރެ އިދިކޮޅު ލީޑަރޝިޕްގައި ގިނައީ އެހެން މަގްސަދެއްގައި އުޅުއްވާ ބޭފުޅުންނަށް އެއްދުވަހުން އަނެއް ދުވަހަށް ހާމަވަމުންދާ ކަމަށެވެ.
އިމްރާން މިހެން ވިދާޅުވި ނަމަވެސް އިޝާރާތް ކުރެއްވީ ސީދާ ކޮންކަމަކަށްކަމެއް ސާފެއް ނުވެއެވެ.
އިދިކޮޅު ކޯލިޝަނުން މިހާރުވަނީ ރައީސް ޔާމީން މިނިވަން ކުރުމާއި ރިޔާސީ އިންތިހާބަށް ތައްޔާރުވުމުގެ ހަރަކާތްތަކެއް ފަށާފައެވެ. އެގޮތުން ހޯޕް ކޮންފަރެންސްގެ ނަމުގައި ބައްދަލުވުމެއް ކުރިއަށްދާއިރު ކުރީގެ ރައީސް ޑރ މުހައްމަދު ވަހީދު ހަސަން މަނިކާއި ރައީސް ޔާމީންގެ އެންމެ ފަހުގެ ރަނިންމޭޓް ޑރ މުހައްމަދު ޝަހީމް އަލީ ސައީދު ވަނީ ކުރީ ސަފުން ފެނިފައެވެ.
މީގެއިތުރުން "ބުންވަރު" ގެ ނަމުގައި އިއްޔެ އިދިކޮޅު މާލޭގައި ބޭއްވި އެއްވުމުގައި މިބޭފުޅުންގެ އިތުރުން ލީޑަޝިޕްގެ ގިނަ ބޭފުޅުން ބައިވެރިވެ ވަޑައިގެންނެވިއެވެ.
