އަލަށް ފެނިގެން އުޅޭ މި ވައިރަހުގެ ސަބަބުން މުޅި ދުނިޔޭގެ އިގްތިސާދަށް އަސަރު ކުރާނެ ކަމުގެ ބިރު ބޮޑެވެ.
އެމްއޭސީއެލުން ކުރި ޓްވީޓެއްގައި ބުނީ ހަރަދުތައް ކުޑަކޮށް، ބޭކާރު ހަރަދުތައް ކުޑަކުރެވޭނެ ގޮތްތަކާ ބެހޭ ގޮތުން ކުންފުނީގެ އިސް މެނޭޖުމަންޓުން މަޝްވަރާކޮށްފައިވާ ކަމަށެވެ.
ވައިރަހުން ރައްކާތެރިވުމުގެ ގޮތުން ރާއްޖެއިން ވަނީ ގިނަ ފިޔަވަޅުތަކެއް އަޅާފަ އެވެ. އެގޮތުން ކްރޫޒްލައިނާތައް އައުން މެދުކަނޑާލުމާއި، ޗައިނާ، ދެކުނު ކޮރެއާ އަދި އީރާނުން މީހުން އައުން މަނާ ކުރުމާއި، އެގައުމުތަކުން އަންނަ ދިވެހިން ދެ ހަފްތާއަށް ކަރަންޓީން ކުރުން ހިމެނެ އެވެ.
ޗައިނާއިން އަލަށް ފެނުނު ކޮރޯނާ ވައިރަހެއް ކަމަށްވާ، ކޮވިޑް-19 ގެ ސަބަބުން މިހާތަނަށް 3000 އަށް ވުރެ ގިނަ މީހުން ވަނީ މަރުވެފަ އެވެ. އަދި ދުނިޔޭގެ 60 އަށް ވުރެ ގިނަ ގައުމަށް މި ވައިރަސް ފެތުރިފައި ވާއިރު، ބޮޑު ރޯގާއެއް ފެތުރިދާނެ ކަމުގެ އިންޒާރު ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ވަނީ ދީފަ އެވެ.