މިއަދުގެ މުޒާހަރާގެ ތެރެއިން އަނިޔާވެފައިވަނީ ޗެނަލް 13 ގެ ނޫސްވެރިއެއްކަމަށްވާ ހަސަން ޝަހީދުއަށެވެ. ޝަހީދުގެ މައިބަދައަށާއި ސިކުނޑިއަށް ގެއްލުންވެފައިވާކަމަށް ޑޮކްޓަރުންނާއި ހަވާލާދީ އާއިލާއިން ބުނެފައިވެއެވެ.
އޭނާ މިހާރުވަނީ އިތުރު ފަރުވާއަށް އަވަށްޓެރި ސްރީލަންކާއަށް ފޮނުވާލާފައެވެ.
މިއަދުގެ މުޒާހަރާ ފުލުހުން ބާރުގެ ބޭނުންކޮށް ރޫޅާލުމުގެ ތެރޭގައި ދެ ނޫސްވެރިއަކަށް އަނިޔާވެފައިވެއެވެ. އާއްމުކޮށްފައިވާ ބައެއް ވީޑިއޯއިން ފެންނަ ގޮތުގައި ޝަހީދު ބިންމައްޗަށް ވެއްޓިފައި އޮތް އިރު ނޭވާ ނުލެވުގެން ތެޅޭތަން ފެނެއެވެ.
ޝަހީދު އެތަނުން ނަގައިގެން ހޮސްޕިޓަލަށް ގެންދިއައީވެސް އެސަރަހައްދުގައި ތިބި ބައެއް ނޫސްވެރިންނާއި އާއްމުން ވެގެންނެވެ.
ފުލުހުން މިރޭބުނީ މިއަދުގެ އެއްވުމެއްގައި ދެ ނޫސްވެރިއަކަށް އަނިޔާވެފައި ވުމަކީ ދިވެހި ފުލުހުން ނުހަނު ކަންބޮޑުވާ ކަމެއްކަމަށެވެ.
ފުލުހުން އިތުރަށް ބުނީ މި ހާދިސާގައި ކަންހިނގާފައިވާ ގޮތުގެ ފުރިހަމަ ރިވިއުއެއް ޕްރޮފެޝަނަލް ސްޓަންޑަރޑްސް ކޮމާންޑުން ކުރަމުނއ ގެންދާކަމަށެވެ.
