ކ. ގުރައިދޫ ސްކޫލް އަތުން ކަލާފާނު ސްކޫލް 2-1 އިން މޮޅުވި މެޗަށް ފަހު ގުރައިދޫ ޓީމުގެ ބައެއް ކުޅުންތެރިންގެ ބެލެނިވެރިންނާއި އޮފިޝަލުންގެ އިތުރުން ބައެއް ކުޅުންތެރިން ހިމެނޭ ގޮތަށް މާރާމާރީ ހިންގިއެވެ.
މާރާމަރީގައި ރެފްރީއަށް ހަމަލާދިން މައްސަލައިގައި އެ ޓީމަށް މި ފަހަރު ރަޖިސްޓްރީ ކުރި އެއްވެސް އޮފިޝަލަކަށް އަދި ކުޅުންތެރިއަކަށް ކުރިއަށް އޮތް އެއް އަހަރަށް އެފްއޭއެމް އިން ރާވާ ހިންގާ އެއްވެސް މުބާރާތެއްގައި ބައިވެރިނުވެވޭ ގޮތަށް ސަސްޕެންޑް ކުރުމަށެވެ.
އޭގެ އިތުރުން، އެފްއޭއެމް އިން ރާވާ ހިންގާ އެއްވެސް މުބާރާތެއްގައި ގުރައިދޫ ސްކޫލް ބައިވެރިވާނަމަ 10 މެޗު ހަމަވަންދެން ކުޅެން ޖެހޭނީ ސަޕޯޓަރުން ނުވައްދާކަމަށް ޑިސިޕްލިނަރީ ކޮމިޓީން ވަނީ ނިންމައިފަ އެވެ.
އަދި މީގެ އިތުރުން ގުރައިދޫ ޓީމުގައި ހިމެނޭ ތިން ކުޅުންތެރިއަކަށް ދެ އަހަރު ދުވަހުގެ ސަސްޕެންޝަނެއް ދީފަ އެވެ. އެއީ، ގުރައިދޫ ޓީމުގެ ޖޯޒީ ނަމްބަރު 7، 8 އަދި 10 އެވެ.
