މިނިސްޓާ މިހެން ވިދާޅުވީ ގަމު ދާއިރާގެ މެންބަރު މުހައްމަދު ވިސާމް މިއަދު ރައްޔިތުންގެ މަޖިލީހުގައި ޓޫރިޒަމް މިނިސްޓާ ޑރ. މައުސޫމް އާއި ކުރެއްވި ސުވާލަކަށް ޖަވާބު ދެއްވަމުންނެވެ.
ވިސާމް ކުރެއްވި ސުވާލަކީ 13 އަހަރުވީއިރު ވެސް ޓްރޭނިން ސްކޫލު ނެފުމުން، މިހާރު ހަވާލުކޮށްފައިވާ ކުންފުނިން އެ މަސައްކަތް ކުރިއަށް ގެންދާނެތޯ އަދި އެ ކުންފުނި އަތުން އެ ސަރަހައްދު ވަކިކޮށް އަލުން ބޮޑުފިނޮޅު ހަދަން ބަޔަކާ ހަވާލުކުރަން ވިސްނަވަންތޯ؟ އެވެ.
މި ސުވާލަށް ޖަވާބު ދެއްވަމުން މިނިސްޓަރު ވިދާޅުވީ ބޮޑުފިނޮޅުގެ މައްސަލަ ކޯޓުން ބޭރުން ހައްލުކުރުމަށް ކުރި މަސައްކަތް ނާކާމިޔާބުވެފައިވާ ކަމަށެވެ.
މިނިސްޓަރު ވިދާޅުވީ ރާއްޖޭގެ ފަތުރުވެރިކަން އިތުރަށް ކުރިއަށް ގެންދިއުމަށްޓަކާ ބައިނަލްއަގުވާމީ ކޮލެޖެއް ހުރުމަކީ ވަރަށް މުހިންމުކަމެއް ކަމަށެވެ.
މިނިސްޓަރު ވިދާޅުވީ، ކުންފުނިން ދައުލަައް 2.7 މިލިއަން ޑޮލަރު ދައްކާފައިވާކަމަށެވެ. އޭގެ ބަދަލު އެ ކުންފުންޏަށް ދޭނެ ގޮތެއް ވެސް އެއީ ވިސްނަން ޖެހޭކަމެއް ކަމަށެވެ.
މިނިިސްޓަރު ވިދާޅުވީ ލ. ކައްދޫ އެއާޕޯޓު އިންޓަނޭޝަނަލް އެއާޕޯޓަކަށް ހެދުމުން އެ ސަރަހައްދަށް ޓޫރިސްޓު އެނދުތަކެއް ބޭނުންވާކަމަށާއި، ޕްރިމިއާއަށް ދޫކޮށްފައިވާ ދެ ރަށުގައި އެނދުތަކެއް އެޅުން ވަރަށް މުހިންމުކަމަށެވެ.
ބޮޑުފިނޮޅާއި، ލ ގަމު ތުނޑީއަވަށުން ބައެއް އެ ކުންފުންޏާ ހަވާލުކުރީ 2008 ވަނަ އަހަރުއެވެ.
