ޑރ. މައުސޫމް
ރިސޯޓް ޝެއާ ބަދަލުކުރަން ޖޫރިމަނާ ނެގުން ހުއްޓާލައިފި
ގުފްތަގް އަޖީރު
14 ފެބްރުއަރީ 2023 - 11:18:52
ރިސޯ ކުއްޔަށް ނަގާފައިވާ ކުންފުނިތަކުން ޝެއާ ބަދަލުކުރާއިރު، އަދި ކުންފުނީގެ ނަން ބަދަލުކުރާއިރު ޓޫރިޒަމް މިނިސްޓްރީން ގަވާއިދާ ހިލާފަށް ނަގަމުން ގެންދިޔަ އެއް ލައްކަ ޑޮލަރު (1.5 މިލިއަން ރުފިޔާ) ގެ ޖޫރިމަނާ ނެޖުން ހުއްޓާލާފައިވާކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެެވެ.
Advertisement
މި ޖޫރިމަނާ ނެގުން ހުއްޓާލިކަން މިނިސްޓަރު އިއުލާނުކުރެއްވީ ރައްޔިތުންގެ މަޖިލީހުގައި މެދު ހެންވޭރު ދާއިރާގެ މެންބަރު އަލީ އާޒިމް ކުރެއްވި ސުވާލަކަށް ޖަވާުބު ދެއްވަމުންނެވެ.
"ރައްޔިތެއްގެ އަތުން ޓެކުހެއް ފީއެއް، ޖޫރިމަނާއެއް ނެގޭނީ ގާނޫނުގައި ލިޔެފައި އޮތް އަދަދަކަށޭ. އެއަށްވުރެ ބޮޑުކޮށް ނުނެގޭނެކަމަށް ވަރަށް ސާފުކޮށް ލިޔެފައިއެބަވޭ. ކުރީ ދައުރުގާވެސް އަދި މި ދައުރުގާވެސް ކުންފުންޏެއްގެ ނަން ބަދަލުކުރާ ކޮންމެ ފަހަރަކު އެއްލައްކަ ޑޮލަރު ނަގަމުން އެބަދޭ،" އާޒިމް މިނިސްޓަރާ ސުވާލުކުރައްވަމުން ވިދާޅުވިއެވެ.
ޓޫރިޒަމް ގާނޫނު ބުނާގޮތުން 10،000 ޑޮލަރަށްވުރެ ބޮޑު އަދެއް މިފަދަ ކަމަކަށް ނުނެގޭނެއެވެ.
ސުވާލަށް ޖަވާބު ދެއްވަމުން މިނިސްޓަރު ވިދާޅުވީ ޓޫރިޒަމް ކުންފުންޏެއްގެ ޝެއާ ބަދަލުކުރަން މިހާރި ޓޫރިޒަމް މިނިސްޓްރީގައި އަހަން ވެސް ނުޖެހޭނެކަމަށެވެ.
"ކުރިން އެފަދަ ފީތަކެއް ނަގަމުން އައި. މިހާރު ނުނަގާނެ. ކުންފުނީގެ ޝެއާ ބަދަލުކުރަން މިހާރު ޓޫރިޒަމް މިނިސްޓްރީ ކައިރީ އަހާކަށްވެސް ނުޖެހޭނެ،" މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ ކުރިން ޖޫރިމަނާ ނަގާފައިވާ ފަރާތްތަކުން ބަދަލު ހޯދަން ބޭނުންނަމަ ކަމާބެހޭ ފަރާތްތަކަށް ހުށަހަޅައިގެން ބަދަލުހޯދުމުގެ މަސައްކަތް ކުރެވިދާނެކަމަށެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
