Advertisement

ދެވަނަ މެޗުގައި ދިވެހި އަންހެން ޓީމު މިއަދު ބަލިވީ ސިންގަޕޫރުގެ އަންހެން ޓީމާ ކުޅެ ސީދާ ތިން ސެޓުންނެވެ. ސެޓުތައް ދިޔައީ 26-28، 21-25 އަދި 14-25 އިންނެވެ.

ސިންގަޕޫރު އަތުން މިއަދު ރާއްޖެ ބަލިވިއިރު، ފުރަތަމަ މެޗުގައި މެލޭޝީޔާ އަތުން ރާއްޖެ ބަލިވީ ތިން ސެޓު ދެ ސެޓުންނެވެ. މުބާރާތުގައި ރާއްޖެ ކުޅުނު ދެ މެޗުން ބަލިވިއިރު، ލީގު ބުރުގެ ފަހު މެޗުގައި ސިންގަޕޫރު ނުކުންނާނީ މެލޭޝިއާއާ ދެކޮޅަށެވެ.

ސިންގަޕޫރާ މެލޭޝިޔާ ކުޅޭ މެޗުން މޮޅުވާ ޓީމެއް ފައިނަލުގެ ފުރަތަމަ ޖާގަ ހޯދާއިރު، އެ މެޗުން ބަލިވާ ބަޔަކު ބަލިކޮށްގެން ރާއްޖެއަށް ފައިނަލުގެ ފުރުސަތު އޮންނާނެއެވެ. އެއީ ޕްލޭއޮފް މެޗެއް ކުޅެ ފައިނަލަށް ދާ ގޮތަށް މުބާރާތް ރާވާފައި އޮތީމައެވެ.