Advertisement

މާލޭގައި މިހާރު ކުރިއަށްދާ ފޯ ނޭޝަންސް ކަޕުގެ އަންހެން ބައިގެ ފައިނަލަށް ދިވެހި ޓީމު ދިޔައީ، މިއަދު މެލޭޝިޔާ ކަޓުވާލުމަށް ފަހުއެވެ.

ފައިނަލުގައި މާދަމާ ހަވީރު ރާއްޖެ ބައްދަލުކުރާނީ ސިންގަޕޫރާ ދެކޮޅަށެވެ. މެޗު ފަށާނީ ހަވީރު 16:30 ގަ އެވެ.

ދިވެހި އަންހެން ޓީމު ފައިނަލަށް ދިޔައީ ތިން ސެޓު ދެ ސެޓުން މެޗު ކާމިޔާބުކޮށްގެންނެވެ. ސެޓުތައް ދިޔައީ 25-23, 17-25, 25-23, 21-25 އަދި 15-09 އިންނެވެ.

މިއީ ރާއްޖޭގެ އަންހެން ޓީމުން ބައިނަލްއަގުވާމީ މުބާރާތެއްގެ ފައިނަލުގައި ކުޅޭނެ ދެ ވަނަ ފަހަރެވެ. މީގެ ކުރިން 2019 ވަނަ އަހަރު ނޭޕާލުގައި ބޭއްވި ސެންޓްރަލް ޒޯން މުބާރާތުން ވަނީ ފައިނަލުގައި ކުޅެ ރިހި މެޑަލް ހޯދައިފަ އެވެ.