މި ދެމީހުންނާއި ދެ މީހުންގެ ފޭނުން އެއްބަޔަކު އަނެއްބަޔަކާ ޒުވާބުކޮށް ބަހުގެ ހަމަލާ ބަދަލުކުރަމުން އަންނައިރު އެ ދެމީހުންގެ ފޭނުންގެ ޒުވާބުގެ ތެރެއަށް މިހާރު ވަނީ އަބްދު ވެސް ވަދެފައެވެ.
އަބްދު އެެންމެ ފަހުން ވަނީ ސްޓޭންގެ ފޭނުން އޭނާއާއި ދިމާލަށް ކިޔާފައިވާ ހަޑިހުތުރު އެއްޗެހީގެ ސްކްރީން ޝޮޓުތައް ޝެއާކޮށްފައެވެ. އެ ސްކްރީން ޝޮޓުތަކުގައި ފޭނުން ދައްކާފައިވާ ވާހަކަތަކަކީ 'ނަސްލީ ތަފާތުކުރުން' ތަކަށް ބާރުދޭ ވާހަކަތަކެއް ކަމަށް އަބްދުއާއި އޭނާގެ ފޭނުން ތުހުމަތުކުރެއެވެ.
ސްކްރީންޝޮޓްގައި އޭނާ ވަނީ ސްޓެންގެ އެންމެ ބޮޑު އެއް ސަޕޯޓަރު އަދި މެންޓަރު ކަމަށްވާ އެމިވޭ ބަންޓައި ވެސް ޓެގްކޮށްފަ އެވެ.
މި މައްސަލައިގެ ތެރެއަށް އަބްދު ވަނުމާއެކު މައްސަލަ ވަނީ ވަރަށް ބޮޑަށް ހޫނުވެފައެެވެ. ނަމަވެސް އަބްދުގެ ވާހަކަތަކަށް ސްޓޭން އަދި މިފަހުން ޖަވާބެއް ނުދެއެވެ. ނަމަވެސް ސްޓޭންގެ ފޭނުން އަންނަނީ އަބްދުއް ވަރަށް ހަޑިހުތުރު އެއްޗެހި ކިޔަމުންނެނެވެ.
އަބްދު އާއި ސްޓޭން މައްސަލަ ޖެހުނީ ކީއްވެ؟
"ބިގް ބޮސް 16" ގެ ހިންމު ބައެއްގެ ގޮތުގައި އަބްދު އްރޮޒިކް އާއި މެކް ސްޓެން ފެނިގެންދިޔައެވެ. މި ދެމީހުން މައްސަލަ ޖެހުނީ އަބްދުގެ ލަވަ "ޕިޔާރު" ކަމު ނުދާކަމަށް ސްޓޭން ބުނަން ފެށުމުންނެވެ. ގިނަ ބަޔަކު ބުނާ ގޮތުގައި މިއީ ތާޖިކް ލަވަކިޔުންތެރިޔާ އަބްދު ވަރަށް ބޮޑަށް ދެރަވާ މައްސަލައެކެވެ.
އަނެއް ބަޔަކު ބުނެފައި ވަނީ ސްޓެން އަކީ އިންޓްރޮވާޓް މީހެއް ކަމަށާއި މާ ބޮޑަށް އިޖުތިމާއީ ގުޅުން ހިންގާ މީހެއް ނޫން ކަމަށެވެ. ޕާޓީތަކާއި ގެޓް ޓުގޭޑްތަކުން ވެސް ފެންނަ މީހެއް ނޫނެވެ. މިހާތަނަށް އޭނާ ދިޔައީ ހަމައެކަނި ފަރާ ހާންގެ ކުންދަރުގެ ބާޝް އާއި ޚާރުގައި އެންޑެމޯލް އިން ހޯސްޓްކުރި ޕާޓީއަކަށް އެކަންޏެވެ. މިހެންކަމުން އަބްދުގެ ލަވަތަކަށް އޭނާ ސޯޝަލް މީޑިއާގައި ރިއެކްޓު ނުކުރުމަކީ އޭނާގެ ގޮތްކަމަށް ވެސް އެމީހުން ދެކެއެވެ.
