"ޑީޓީޔޫ ސްޕޭސް" ގެ ފަރާތުން ނެރުނު "އިކޮލޮޖީ އެންޑް އިވޮލޫޝަންގައި" މި ހަފްތާގައި ޝާއިއުކުރި އާ ދިރާސާއަކުން ދައްކާ ގޮތުގައި ތަރިތައް ގޮވުމުން ފާއިތުވި 500 މިލިއަން އަހަރު ތެރޭގައި ކަނޑުގެ ދިރުންތަކުގެ ތަފާތުކަމަށް ވަރަށް ބޮޑަށް އަސަރުކޮށްފައިވެ އެވެ.
މިގޮތުން އެ ޓީމުން ވަނީ 'ސުޕަނޯވާތަކާ' ދުނިޔޭގެ ދިރުމާއި ހުރި ގުޅުމާއި ގުޅޭގޮތުން ދިރާސާކޮށްފައެވެ. އެގޮތުން އެމީހުންގެ ދިރާސާއިން ދައްކާގޮތުން މިގޮތައް ތަރިއެއް ގޮވާ ކޮންމެފަހަރަކު އޭގެ ރޭޑިއޭޝަނުގެ ސަބަބުން ދުނިޔޭގެ ދިރުންތަކަށް އަސަރުކުރެއެވެ. އެގޮތުން އެންމެ ބޮޑު އަަސަރެއްކުރަނީ ކަނޑުގައި ދިރިއުޅޭ ޖަނަވާރުތަކަށެވެ.
ތަރިތައް ގޮވުމުން އުފެދޭ 'ސުޕަނޯވާ'ގެ ސަބަބުން ދުނިޔެއަށް ބޮޑެތި ކާރިސާތަކެއް ދިމާވުމަކީ ހިނގާކަމެއް ނަމަވެސް، ވަރަށް ދުރު ހިސާބުތަކުން ތަރިތައް ގޮވުމުން އޭގެ ފައިދާވެސް ދުނިޔެއަށް ކުރާކަމަށް އެ ދިރާސާގައި ބުނެފައިވެއެވެ. އެގޮތުން ދުނިޔޭގައި ހުރި ދަނގަޑަކީވެސް މިފަދަ ގޮވުންތަކުގެ ސަބަބުން އައި ތަކެތި ކަމަށާއި، އެތަކެއްޗަކީ ދުނިޔޭގެ ވައިގެ ފަށަލަ ބެލެހެއްޓުމުގައި އަދި ދުނިޔޭގައި ތަފާތު ދިރުންތައް އުފެދުމުގައި ވެސް ބޭނުންތަކެތި ކަމަށް އެ ދިރާސާގައި ބުނެފައިވެއެވެ.
