އުރުފީއަށް ތައުރީފުކޮށް ރާކީ ވާހަކަ ދައްކާފައިވާއިރު، ރުފުފީ ބޮޑަށް ލޭބަލް ވެފައިވަނީ ނިވައިކަން ކުޑަހެދުންތައް ލައިގެން ސަމާލުކަން ހޯދާ މީހެއްގެ ގޮތުގައެވެ.
ނަމަވެސް އުރުފީއާ ގުޅޭގޮތުން ދިން އިންޓަވިއުއެއްގައި ރާކީ ބުނީ "އުރުފީ ވެސް ދިރިއުޅެންޖެހޭނެ،" ކަމަށެވެ. އަދި އުރުފީއަކީ "ދިރިއުޅެން ދަންނަ މޮޅު މީހެއް،" ކަމަށް ވެސް ރާކީ ބުންޏެވެ.
ރާކީ ސާވަންތު ވަނީ އުރުފީ ޖާވިދާއި އޭނާގެ ފެޝަން ޗޮއިސްތަކަށް ތާއީދުކޮށް ބޮލީވުޑްގެ ދިރިއުޅުމަކީ ފަސޭހަ ދިރިއުޅުމެއް ނޫން ކަމަށް ބުނެފަ އެވެ.
އުރުފީ ޖާވިދު މަޝްހޫރުވެފައިވަނީ އޭނާގެ ތަފާތު، ނިވާކަންކުޑަ ހެދުންތަކުގެ ސަބަބުންނެވެ. ޓީވީ އެކްޓަރެއްގެ ގޮތުގައި ކެރިއަރު ފަށައި، "ބިގް ބޮސް " އޯޓީޓީގައި ވެސް ބައިވެރިވި އެވެ. ސޯޝަލް މީޑިއާގައި ސެންސޭޝަނަކަށް ވެގެން ދިޔައީ އޭނާގެ ޑައައިއީ ހެދުންތަކުންނެވެ. އެންމެ ފަހުން އޭނާ ފެނިފައިވަނީ "ސްޕްލިޓްސްވިލާ 14" އިންނެވެ.
